Алмазбек Атамбаевди коштогон кортеж Кантты көздөй кетти. Видео

Жазылуу
Мурдагы президент Алмазбек Атамбаев ЖККУнун "Кант" авиабазасы аркылуу саат 12:30да уча турганын айтты.

Атамбаевди 10дон ашык автоунаа авиабазага чейин коштоп чыкты. Ал Кой-Таштагы үйүнөн чыгып жатып журналисттердин "Кандай максат менен бара жатасыз, ким чакырды?" деген суроолоруна так жооп берген жок.

Мурдагы президент кандай учак менен кете турганы боюнча кеңешчиси Кундуз Жолдубаева толук маалымат берет деп ишендирди.

Алмазбек Атамбаев статусунан ажыратылгандан кийин анын Кой-Таш айылындагы үйүнө тарапташтары чогулган. Ошондон бери мурдагы президент санаалаштары менен ошол жерде. Ага ИИМге келип сурак берүү үчүн үч жолу чакыруу баракчасы келген. Бирок Атамбаев азыркы бийлик мыйзам талаасына түшүшү керектигин айтып, ИИМге барбай турганын билдирген. 

Виджет news
Жаңылыктар түрмөгү
0