Түркмөнстан президенти Гурбангулы Бердымухамедов небереси менен үч тилде ыр ырдап, интернет колдонуучуларын кайрадан таң калтырды. Бул тууралуу Sputnik Өзбекстан агенттиги билдирди.
Маалыматка ылайык, түркмөн эл башчысы чыгарманы англис, немис жана түркмөн тилдеринде аткарган. Бердымухамедов аталган чыгарманы "Мизан" борборунда өтүп жаткан майрамдык кечеде аткаминерлерге жана маданий ишмерлерге ырдап берген.
Ырдын сөзүн өлкө башчы өзү жазса, обонун анын небереси Керимгулы Бердымухамедов жараткан.
Белгилей кетсек? Бердымухамедов такай жаңы ырларды чыгарып, ырдап турат. Анын бир чыгармасы Азия оюндарынын гимни болгон.
