Кайыкка туруп алып үч метрлик акулага тамак берип жаткан туристтин видеосун South China Morning Post басылмасы жазды.
Ага ылайык, туристтер сууда сейилдеп жүргөндө бир нече акула сүзүп келген. Адамдар аларга балыктарды ыргытып, карап турушкан. Бир маалда эле ошол жердеги аялды жырткыч колунан тиштеп сууга сүйрөп кетүүгө аракеттенген. Туристтин достору аны убагында кармап сактап калган.
"Бардыгы өтө тез болду. Бул учурда колу жок калдымбы деген ой келди. Тиштегенде сөөктөрүм сыздады", — деди турист.
Дарыгерлер анын колуна операция жасап, үзүлгөн булчуңдарды тигишкен. Андан сырткары, жабыркаган туристтин кол сөөгүнө жарака кеткен.
