The Daily Mail басылмасынын жазышынча уурунун кылыктары үйдүн сыртына коюлган көзөмөл камераларга түшүп калган.
11 Үчтүн айы 2018, 15:46
Кадрда көрүнгөндөй үйлөрдүн бирине курьердик кызмат бир нече аманат алып келген. Бир канча убакыттан кийин үйдүн жанына келип токтогон машинадан түшкөн аял чуркаган бойдон посылкаларды көтөрүп баратканда тайгаланып жыгылып, бутун кайрып алган. Өз алдынча туруп баса албаганына көзү жетип, машинадагы шеригин чакырууга аргасыз болгон. Ал аялды көтөрүп барып машинага салган. Андан кийин кайтып келип, посылкаларды алып кеткен.
Аталган уурулардын курмандыгы болгон Лизет Абабнех кутуда күйөөсү үчүн интернет дүкөндөн 5 миң долларга алынган дарылар болгонун ЖМКга берген маегинде билдирген. Азырынча полиция уураларды таба элек.
