Түркмөнстандын президенти Гурбангулы Бердымухамедов аскерий машыгууларга катышканын "Хроника Туркменистана" порталы жазып чыкты.
ЖМКнын маалыматына караганда, мамлекет башчы күч структураларынын жетекчилерине таамай атып, душманга бычак ыргытканды үйрөткөн.
Президентти кол чаап колдоп тургандар жөнөкөй аскерлер эмес. Алар Ички иштер министрлигинин, Башкы прокуратуранын, бажы, миграция жана башка ведомстволордун жетекчилери экени порталда белгиленген.
Мындан тышкары, Бердымухамедовдун жетекчилигинде атайын операция жүргүзүлгөн. Сценарий боюнча атайын даярдыктагы аскерлер тик учак менен кылмыштуу топтун мүчөлөрүн кармашкан.
