15:36 29 Бугу 2017
Түз эфир
Видео

Уулуна бөйрөгүн берем деген эне базарда тилемчи болууга аргасыз

Кыскача шилтеме алуу
152450
(3:38 / 23.49Mb / )
© Sputnik / Эркин Алымбеков

Алар жашаган Шопоков шаарындагы мурдагы жатаканадан өрт чыгып, үй-бүлөнүн турак-жайсыз калганына жарым жылдын жүзү болуптур. Уулу үй-бүлөсүнө акча таап жардам берейин деп унаа жуучу жайда иштеп жүрүп бөйрөгүнө суук тийгизип алган.

Акыркы тогуз айдан бери Айсада Жумабаева шаардын базарларынын биринде тилемчилик кылып жүрөт. Тапкан акчасын ал бөйрөгүнө гемодиализ (жасалма бөйрөк аппараты) алып жаткан баласы дарыланган клиникага алып барат.

Алар жашаган Шопоков шаарындагы мурдагы жатаканадан өрт чыгып, үй-бүлөнүн турак-жайсыз калганына жарым жылдын жүзү болуптур. Мындан улам 21 жаштагы Арген Жумабаев унаа жуучу жайга жумушка орношот.

"Ал үйгө тамак-аш алып келейин деп жумушка чыккан. Көбүнчө күн суукта унаа жууп, буттары тоңуп калчу. Жыйынтыгында бөйрөгүнө суук тийгизип алып, бөйрөктөрү иштебей калды", — деп Жумабаева айтып берди.

Эми жаш бала жумасына үч жолу гемодиализ алып турууга аргасыз. Гемодиализди бир жолу алуу 5,8 миң сомду түзөт.

Баланын апасы эч нерде иштебейт, ал эми эжеси кичинекей баласы менен үйдө. Бул үй-бүлө батирде тургандыктан апасы менен эжеси кезек-кезек менен базарга чыгып тилемчилик кылышат.

Бул үй-бүлөнүн ойлогону оорукчан баласынын бөйрөгүн алмаштырууга акча табуу. Баласына донор болууну энеси эбак эле ойлонуп койгон. Бөйрөк алмаштыруу операциясы Түркияда 26 миң доллар, ал эми Казакстанда жасалса 11 миң доллар болот экен. Мындан сырткары бөйрөк калыбына келиш үчүн дары-дармектерди ичип туруу керек. Ага бери дегенде эле 5 миң доллардай керектелет…

Тема боюнча

Жалал-Абаддык селсаяк акчаны эмнеге топтоп жаткандыгын айтып берди
Куюнда калган баланын майыптыгы далилденсе жөлөк пул берилмей болду
Белгилер:
бөйрөк, гемодиализ, тилемчи, майып, операция

Дагы видео

ЭҢ МААНИЛҮҮ