БИШКЕК, 29-ноя. – Sputnik. Рингде кезиккен атактуу боксчулар Майк Тайсон менен Рой Жонс тең чыкты. Беттеш түз эфирден көрсөтүлдү.
Roy's shining moment 🤣🤣🤣 #tysonvsjones #TysonJones pic.twitter.com/fJpnIdL9VT
— EDFsports (@TheEveryDayFan2) November 29, 2020
Кармашуу АКШнын Калифорния шаарында өттү. Ал сегиз раундга ылайыкташып, ар бир бөлүк эки мүнөткө белгиленген.
Эки боксчу тең жыйынтыкка макул болбой, жеңгенин бир ооздон айтып, рингдеги артыкчылыктарын санашты.
Комментаторлор, эң негизгиси, кармашта эч ким катуу жабыркап өмүрүнө жана ден соолугуна зыян тийгизбегенин билдиришти. Ошондой эле көз кандырган беттеши үчүн ыраазычылык айтышты.
Эки спортчу тең рингге карьерасын жыйынтыктагандан кийин кайтып жатканын белгилей кетели. Майк Тайсон 2005-жылдан бери, ал эми Рой Жонс 2018-жылдан бери беттешке чыга элек болчу.
