БИШКЕК, 31-мар. — Sputnik. Кыргызстандык спортчу Валентина Шевченко салмак категориясына карабай UFC уюмунун 15 мыкты мушкеринин катарына кирди. Жаңыланган рейтингди уюм ушул жумада түздү.
Андагы эң башкы жаңылык — америкалык мушкер Ти Жей Диллашоунун тизмеден чыгып калышы болду. Апта башында жеңил салмактагы чемпион допинг тесттен жыдып, UFC курунан ажыраган. Эми Диллашоу бир да рейтингге кире албай калды.
Америкалык спортчунун ордуна уюм эң жеңил салмактагы чемпион Валентина Шевченкону киргизген. Ал 15-сапты ээлеп турат.
Андан кийин UFC уюмунун жарым жеңил салмактагы чемпиону Макс Холлоуэй жайгашты. Шевченконун эзелтен берки атаандашы Аманда Нуньес алтынчы орунда турат. Крис Сайборгду утуп, экинчи курун тагынгандан кийин Аманда дароо алты тепкичке көтөрүлгөн. Ирландиялык Конор Макгрегор тогузунчу сапты ээледи.
Ал эми өзүнүн салмак категориясында Валентина абсолюттук чемпион.
