03:03 27 Кулжа 2019
Түз эфир
  • USD69.5988
  • EUR79.0503
  • RUB1.1081
Кыргызстандык бильярдчылар Дастан Лепшаков менен Канат Сыдыков бильярд боюнча дүйнө чемпионатында коло байгеге ээ болду.

Кыргызстандык эки бильярдчы дүйнө чемпионатынан коло алды

© Фото / сайт ЮграМегаСпорт
Спорт
Кыскача шилтеме алуу
127 0 0

Турнирге өлкө атынан 12 спортчу барган.

БИШКЕК, 4-мар. — Sputnik. Кыргызстандык бильярдчылар Дастан Лепшаков менен Канат Сыдыков бильярд боюнча дүйнө чемпионатында коло байгеге ээ болду. Бул туурасында Жаштар иши, дене тарбия жана спорт боюнча мамлекеттик агенттиктен кабарлашты.

Билдирмеге ылайык, "Кураштырма пирамида" эрежеси боюнча мелдеш 26-февралдан 2-мартка чейинки аралыкта Ханты-Мансийск шаарында (Россия) өткөн. Ага 16 мамлекеттен келген 72 кий чебери катышкан.

Кыргызстандан аталган мелдешке 12 спортчу барган: Даниель Макеев, Арсен Каленбаев, Камалиддин Ессиддинов, Зайлан Адамов, Кайрат Абсатаров, Улугбек Абдуллаев, Сыймык Ураимов, Каныбек Сагынбаев, Дастан Лепшаков, Ызат Ратбеков, Канат Сыдыков жана Азиз Мадаминов.

Курама команданын ичинен байгелүү орундарды ээлеген Дастан Лепшаков менен Канат Сыдыков жалпысынан беш жолудан кармаш өткөргөн.

Лепшаков өз кезегинде төмөнкү спортчуларды утуп алды: Тохир Акрамов (Россия) - 6:2, Арби Муциев (Казакстан) — 6:0, Владимир Рейс (Молдова) — 6:1, Шахзод Мамиров (Өзбекстан) — 6:5. Жарым финалда Дастан Молдованын өкүлү Сергей Крыжановскийге уттуруп жиберген (5:6). Жыйынтыгында бильярдчы коло медалга ээ болгон.

Ал эми Канат Сыдыков беш беттешинде тең россиялык спортчуларга кез келген. Жарым финалдык баскычка чейин Всеволод Авеньянов (6:2), Леонид Швыряев (6:3), Никита Ливада (6:2), Семен Зайцев (6:5) сыяктуу спортчуларды жеңген. Жарым финалда россиялык Иосиф Абрамовго утулуп калып (3:6), үчүнчү орунду ээледи.

Курама команданын мелдешке катышуусу үчүн Спорттун олимпиадалык эмес түрлөрү боюнча дирекциянын бюджетинен 239 миң сом бөлүнгөн.

Тема боюнча

Акжол Махмудовго операция жасалды! Балбандын алгачкы машыгуулары. Видео, сүрөт
Намыска жарады! Дастан Шаршеевдин атаандашын утуп дүйнө чемпиону болгон видеосу
Белгилер:
байге, коло, дүйнө, бильярд, Спорт, Дастан Лепшаков, Кыргызстан, Россия

ЭҢ МААНИЛҮҮ