15:09 27 Кулжа 2019
Түз эфир
  • USD69.5988
  • EUR79.0503
  • RUB1.1081
Эл аралык көк бөрү федерациясынын башкы катчысы жана Кыргызстандын Көк бөрү федерациясынын президенти Жыргалбек Саматов

Саматов: тай казансыз көк бөрүнү колдогондордун аракети ишке ашкан жок

© Sputnik / Эламар Карымшаков
Спорт
Кыскача шилтеме алуу
135710

Түрк тилдүү элдердин ассоциациясы 2017-жылы Астанада негизделип, тай казаны жок тегерек чийинде ойноо эрежесин киргизген. Ал ассоциация дагы 8-10-январда Ташкентте жыйын өткөрүүнү пландаган болчу.

БИШКЕК, 10-янв. — Sputnik. Көк бөрүгө жаңы эреже киргизген Түрк тилдүү элдердин ассоциациясынын отуруму өтпөй калды, муну биз үчүн чоң жетишкендик десек болот. Бул туурасында Эл аралык көк бөрү федерациясынын башкы катчысы жана Кыргызстандын Көк бөрү федерациясынын президенти Жыргалбек Саматов билдирди.

Белгилей кетсек, 8-9-январь күндөрү Ташкентте Эл аралык көк бөрү федерациясынын конгресси өтүп, ага Кыргызстан, Казакстан, Тажикстан, Өзбекстан, Россиянын субъектилери (Татарстан, Иркутск, Красноярск, Алтай, Новосибирск) Монголия, Афганистан, АКШ жана Түркия мамлекеттери катышкан. Анда быйыл күздө Өзбекстанда өтө турган көк бөрү боюнча дүйнө чемпионатынын эл аралык эрежеси (тай казан менен ойноо) бекитилди.

Саматовдун айтымында, Түрк тилдүү элдердин ассоциациясы 2017-жылы Астанада негизделип, тай казаны жок тегерек чийинде ойноо эрежесин киргизген.

"Түрк тилдүү элдердин ассоциациясынын эрежеси менен биринчи жолу 2017-жылы Астанада көк бөрү боюнча дүйнө чемпионаты өткөн. 8-10-январда Ташкентте ал ассоциация дагы жыйын өткөрүүнү пландаган, бирок аракети ишке ашкан жок. Ага Кыргызстанды да чакырган болчу, биз Эл аралык көк бөрү федерациясынын конгрессине катышууга бардык. Эми ушул күздө Өзбекстанда өтчү дүйнө чемпионаты мурунку эреже менен гана болот. Ал ассоциациянын курамында Казакстан жана Өзбекстан бар, Кыргызстан да мүчө болуп кирип калган. Биз алар менен сүйлөшүүлөрдү жүргүзүп, эл аралык эрежени кабыл алууга чакырабыз. Эгер майнап чыкпаса, мүчөлүктөн чыгып кете алабыз", — деди Саматов.

Ошондой эле ал жарандарды бул маселенин арты менен Кыргызстан менен Казакстандын элинин достугуна доо кетирбөөгө чакырды.

Эл аралык көк бөрү федерациясынын кийинки конгресси Астана шаарында өтөт.

Тема боюнча

Ташкентте көк бөрүнүн эрежеси бекитилип, тай казанды алуу маселеси көтөрүлдү
Америкалык журнал көкбөрү тууралуу кино тартты. Трейлер
Белгилер:
оюн, эреже, Көк бөрү, Спорт

ЭҢ МААНИЛҮҮ