02:32 18 Үчтүн айы 2019
Түз эфир
  • USD69.8493
  • EUR79.5968
  • RUB1.0513
III Дүйнөлүк Көчмөндөр оюндарынын ачлыш аземи. Архив

Тер төгүп, бир ыйлап, бир күлүп... Быйыл кайсы спортчунун ити чөп жеди?

© Sputnik / Табылды Кадырбеков
Спорт
Кыскача шилтеме алуу
Гүлдана Талантбекова
803 0 0

2018-жыл кыргыз спорту үчүн жемиштүү болду деп ооз толтуруп айта берүү туура деп ойлойм. Sputnik Кыргызстан жыл жыйынтыгын чыгарууда.

Кыргызстанда Жаштар иши, дене тарбия жана спорт боюнча мамлекеттик агенттиктен каттоодон өткөн 108 федерация бар. Каттоодон өтпөй өз алдынча мелдештерди өткөргөн спорттук уюмдардын да саны арбын. Ар биринин ийгилигин санап отуруу, албетте, машакаттуу иш. Анүстүнө арасында майда турнирлер болуп жатты. Биз кыргыз спортунда бурулуш жасаган ири мелдештердеги ийгиликтерди тизмектегенге аракет кылдык.

Куру кол кайтарган кышкы Олимпиада

Алгач ири мелдештердеги ийгиликтерге баам салсак. 9-февралдан 25-февралга чейин Түштүк Кореянын Пхенчхан шаарында кышкы Олимпиада оюндары өттү. Кыргызстандан Тариэл Жаркымбаев менен Евгений Тимофеев барган.

Кыргызстанский лыжник Тариэль Жаркымбаев занял 78-е место из 80 в спринтерской гонке среди мужчин на Олимпийских играх в Пхенчхане (Южная Корея)
© REUTERS / Carlos Barria
Кышкы Олимпиада оюндарында өлкө атынан лыжачы Тариэл Жаркымбаев катышып, алдыңкы орундарга ээ боло алган эмес

Жаркымбаев 13-февраль күнү таймашка чыгып, лыжа тебүү боюнча спринтердик жарышта 80 спортчунун ичинен 78-болуп келди.

Кыргызстан Евгений Тимофеев соревнуется в мужском слаломе в альпийском центре Юнпион во время зимних Олимпийских игр Пхёнчан 2018 в Пхёнчане 22 февраля 2018 года
© AFP 2019 / FABRICE COFFRINI
Кышкы Олимпидада Евгений Тимофеев да намыска жарай албады

Ал эми Тимофеев алгач 18-февралда күч сынашып, 109 лыжачынын ичинен 63-орунду ээледи. 22-февралда өткөн таймашта 68 атаандашын артка калтырып, 40 мыкты спортчунун катарынан орун алды. Ойлонто турчу маселе көп, ириде кышкы спортту өнүктүрүүнү колго алышыбыз керек.

11 жылдан кийин Бишкекте өткөн Азия чемпионаты

Негизи балбандар жыл жаңыргандан тарта маанилүү мелдешке даярданып башташкан. Күрөш боюнча Азия биринчилиги Бишкек шаарында 27-февралдан 4-мартка чейин өтүп, ага дүйнөнүн чар тарабынан келген балбандар грек-рим, эркин жана кыз-келиндер арасындагы эркин күрөш боюнча күч сынашты. Белгилей кетсек, Азия чемпионаты Бишкекте 2007-жылдан бери өткөрүлө элек болчу. Аталган мелдеште кыргыз балбандары жалпы эсеп менен 11 (2 алтын, 3 күмүш, 6 коло) медаль утуп, командалык эсепте биринчи орунду ээлеген.

Кыргызстанский борец греко-римского стиля Акжол Махмудов выиграл золотую медаль на чемпионате Азии, одолев в финале казахстанца Демеу Жадраева
© Sputnik / Табылды Кадырбеков
Көтөрүп чапкан ыкмалары менен таанылган балбан Акжол Махмудов чоңдор арасындагы Азия чемпиону болгонго жетишти

Алтын байгени Акжол Махмудов (72 кг) менен Муслим Евлоев (74 кг) тагынып, жылдызы жанды.

Борец греко-римского стиля Жоламан Шаршенбеков (весовая категория до 55 килограммов)долел соперника из Китая Лигуо Као в Чемпионате Азии по спортивной борьбе.
© пресс-служба ГАМФКиС
Колдон учкан алтын! Азия чемпионатынан Жоламан Шаршенбеков күмүш байгеге ээ болду

Жоламан Шаршенбеков (55 кг), Урмат Аматов (63 кг), Атабек Азисбеков (82 кг) — күмүшкө ээ болушту.

Борец греко-римского стиля Каныбек Жолчубеков выиграл бронзовую медаль на Чемпионате Азии по спортивной борьбе, победив иранца Шерзаду Бехештитали
© Sputnik / Табылды Кадырбеков
Балбан Каныбек Жолчубеков Азия чемпионатынан коло тагынган

Азат Бейшебеков (87 кг), Мурат Рамонов (130 кг), Каныбек Жолчубеков (60 кг), Үзүр Жусупбеков (97 кг), Улукбек Жолдошбеков (61 кг), Мээрим Жуманазарова (68 кг) коло медаль тагынышты.

Спортчуларды жылдыз кылган Индонезиядагы Азия оюндары

Азия оюндары 18-августтан 2-сентябрга чейин Индонезиянын Жакарта жана Палембанг шаарларында өттү. Кыргызстандын атынан 100дөй адам спорттун 26 түрү боюнча күч сынашты. Натыйжада алар Кыргызстандын байге капчыгына 20 медаль алып келип берди. Анын экөө — алтын, алтоо — күмүш, 12си — коло.

Обладатель золотой медали Азиатских игр Торокан Багынбай Уулу во время награждения в Джакарте
© REUTERS / Issei Kato
Быйыл Азия оюндарында жылдызы жанган жиу-житсучу Төрөхан Багынбай уулу

Алтын тагынгандар жиу-житсучу Төрөхан Багынбай уулу менен жеңил атлетчи Дарья Маслова болду.

Кыргызстанская бегунья Дарья Маслова завоевала золотую медаль на Азиатских играх
© REUTERS / Darren Whiteside
Азия оюндарында биринчи жана экинчи орундарды алган жөө күлүк Дарья Маслова

Күмүш байгеге ээ болгон балбандар Магомед Мусаев, Айсулуу Тыныбекова, Каныбек Жолчубеков, Акжол Махмудов, жиу-житсудан Нурсултан Алымкулов, жеңил атлетикадан Дарья Маслова (5000 метр) ээ болду. 

Орхон Пурвдордж из Монголии (золото), Айсулуу Тныбекова из Кыргызстана (серебро), Ризако Каваи из Японии и Рим Чонг Сим из Северной Кореи (бронза)
© REUTERS / Issei Kato
Азия оюндарында Айсулуу күмүш алган, бирок кийинчерээк атаандашынын канынан тыюу салынган зат табылганы үчүн анын алтын медалын артка кайтаруу каралууда

Коло медалды балбандар Мээрим Жуманазарова, Айпери Медет кызы, Амантур Исмаилов, Үзүр Жусупбеков, оор атлетикадан Иззат Артыков, жиу-житсудан ага-инилер Муртазали Муртазалиев менен Абдурахманхаджи Муртазалиев, пенчак силаттан Жолдошбек Акимканов менен Данияр Токуров, дзюдодон Артур Те менен Владимир Золоев, бокстан жалгыз Азат Усеналиев тагынды.

Ошондой эле курама команда самбо, ушу-саньда, каноэ менен байдаркада сүзүү, жаа атуу, өзбек күрөшү, көркөм жана спорттук гимнастика, карате, велоспорт, футбол, волейбол, фехтование, үстөлдөгү теннис, ат спорту, ок атуу, баскетбол, сууда сүзүү, таэквондо сыяктуу спорттун түрлөрүнөн байгесиз кайтты.

Эл-жерди даңазалаган Дүйнөлүк көчмөндөр оюндары

Спортсмены из Кыргызстана на параде участников на церемонии открытия III Всемирных игр кочевников на ипподроме в Чолпон-Ате
© Sputnik / Табылды Кадырбеков
Эл-жерди даңазалаган мелдештердин сап башында Дүйнөлүк көчмөндөр оюндары турду

ДКО 2-8-сентябрь күндөрү Ысык-Көлдө өттү. Иш-чаранын программасына спорттун 37 түрү киргизилген. Анын ичинде 15 мамлекеттин улуттук оюндары бар болчу. Уюштуруучулар 103 өлкөгө чакыруу жиберген, бирок 82 өлкөдөн (Россиянын 12 субъектиси) 1976 спортчу катышты. Натыйжада кыргызстандык спортчулар 103 медалга ээ болду. Анын 40ы — алтын, 32си — күмүш, 31и — коло болду. Көчмөндөрдүн негизги оюну болуп эсептелген көк бөрү мелдешинде Кыргызстандын командасы намысты алдырган жок.

© Sputnik / Эмиль Садыров
Ниязов тай казанга улак кучактап ыргыганда… Көк бөрү финалынан кызыктуу видео

Көчмөндөрдүн дүйнөлүк IV оюндары эми 2020-жылы Түркияда өтө турган болду.

Жылдызы жанган балбандар Жоламан менен Эрболдун ийгилиги

Кыргызстанский борец греко-римского стиля, серебряный призер чемпионата мира среди взрослых в Будапеште Жоламан Шаршенбеков
© Фото / предоставлено Жоламаном Шаршенбековым
Жоламан Шаршенбеков 12 жылдан кийин тарыхты кайталап чоңдор арасындагы грек-рим күрөшү боюнча дүйнө чемпионатынан күмүш байге тагынды

Грек-рим күрөшү боюнча балбан Жоламан Шаршенбеков 26-октябрда Венгриянын Будапешт шаарында өткөн чоңдор арасындагы дүйнө чемпионатында күмүш байге утту. Белгилей кетсек, 19 жаштагы Шаршенбеков дүйнө чемпионатынын финалында күрөшкөн экинчи кыргыз балбаны. 2006-жылы Канатбек Бегалиев финалга чыгып, бирок жеңиш атаандашына буюргандыктан күмүш байгеге ээ болгон.

Борец греко-римского стиля Эрбол Бакиров в весовой категории до 63 килограммов
Балбан Эрбол Бакиров грек-рим күрөшүнөн жаштар арасында дүйнө чемпиону аталды

Ошондой эле 18-сентябрда Словакияда Трнава шаарында өткөн жаштар арасындагы күрөш боюнча дүйнө чемпионатында кыргызстандык Эрбол Бакиров алтын медаль утту. Аны депутаттын уулу экендигин көбү биле бербесе керек.

Жаштарды жалындаткан III жаштар олимпиадалык оюндары

Октябрдын башында Аргентинанын борбору Буэнос-Айрес шаарында III жаштар олимпиадалык оюндары өттү. Анда Кыргызстандан 13 спортчу спорттун жети түрү боюнча ат салышып, 2 күмүш, 1 коло медаль утушту. Натыйжада Кыргызстан 206 өлкөнүн ичинен 67-орунга илинди.

Пловец Денис Петрашов  завоевал серебрянную медаль на олимпиаде в Аргентине
© Фото / Евгений Петрашов
Аргентинада өткөн III жаштар олимпиадалык оюндарында суучул Денис Петрашов күмүш байге уткан

Сууда сүзүү боюнча Денис Петрашов менен грек-рим күрөшүнөн Элмирбек Садыров күмүш байге уткан. Ошондой эле шпага менен жеке таймашта Хасан Баудунов фехтование боюнча коло байгеге татыктуу болгон.

Ал эми дзюдо боюнча Султан Жеңишбеков, фехтования боюнча Хасан Баудунов аралаш командалар ортосундагы мелдештерге катышып, аларга ыйгарылган күмүш жана коло медалдар өлкөнүн байге куржунуна салынган эмес.

Волейбол менен футбол өз жолунда

Акыркы жылдары волейболчулар чет мамлекеттин клубдарында ойной баштады. Аймактарда жаш куракка жараша лигалар ачылды. Келерки жылы курама команданын Азия чемпионатына, Борбордук Азия чемпионатына жана Борбордук Азия чемпионатына катышары күтүлүүдө.

Мужская сборная Кыргызстана по волейболу. Архивное фото
© Sputnik / Табылды Кадырбеков
Акыркы жылдары волейболчулар чет мамлекеттин клубдарында ойной баштады. Аймактарда жаш куракка жараша лигалар ачылды

Ал эми футболчулар 2019-жылы алгачкы ирет Азия кубогуна катышат. Мелдеш 5-январдан тарта 1-февралга чейин Бириккен Араб Эмирлигинде өтөт. Учурда курама команда кызуу даярданып жаткан маалы.

Национальная сборная Кыргызстана на поле
Футболчулар 2019-жылы алгачкы ирет Азия кубогуна катышат

Быйыл алдыга озуп чыккан футболчулардын бири Бишкекте төрөлүп, Россияда жашаган Илзат Ахметов болду. Ахметов 21 жашта, борбор калаадагы "Алга" клубунда ойноп баштаган. 2009-жылы Россияга көчүп кетип, Коноплев атындагы академияда машыккан. 2014-жылы Казандын "Рубин" командасынын катарына кошулган. 16 жашында негизги курамда ойноп, эң жаш футболчу аталган. 2014-жылы 20-октябрда биринчи жолу Россиянын премьер-лигасында ойногон. Андан сырткары, 18 жаштан 19 жашка чейинкилер арасындагы Россиянын өспүрүмдөр курамасына кирген. Быйыл жайында Москванын ЦСКА клубуна өткөн болчу.

Кыргызстанды алыста даңктаган Валентина Шевченко

Боец UFC Валентина Шевченко на взвешивании за титул чемпионки в женском наилегчайшем весе в Торонто в рамках UFC 231.
© REUTERS / Tom Szczerbowski-USA TODAY Sports
Кыргызстандык спортчу Валентина Шевченко беделдүү делген UFC уюмунун курун тагынды

Кыргызстандык мушкер Валентина Шевченко биринчи жолу мурдагы совет өлкөлөрүнүн ичинен кыз-келиндер арасында UFC уюмунун чемпиондук наамына ээ болду. Эркектер арасында россиялык Хабиб Нурмагомедов чемпион болгон. Спортчу 8-декабрда польшалык атаандашы Жоанна Енджейчикти утуп, UFC уюмунун эң жеңил салмактагы чемпиону аталды. Кармаш UFC 231 турниринин алкагында Торонтодо (Канада) өттү.

ММА спорту ылдам өрүш алууда

Дагы бир жагымдуу кабарлардын бири кыргызстандык WEF (Кулатуу эр таймаш. — ред.) федерациясы эл аралык MMA-ORACLE сайтынын версиясы боюнча дүйнөлүк спорттук уюмдардын мыкты 50сүнө кирип, 37-орунга ээ болгон. Быйыл WEF көрүүчүлөргө эң мыкты беттештерди тартуулай алды. Мисалга кыргызстандык Тилек Жээнбеков менен украиналык Юрий Проценконун, Канат Келдибеков менен тажикстандык Фаридин Шомуратовдун, Барчынай Узгенбаева менен өзбекстандык Халида Собированын кармашын алууга болот.

Судья объявил о чистой победе Жээнбекова над спортсменом из Украины
© Sputnik / Табылды Кадырбеков
Мушкер Тилек Жээнбеков WEF уюмунун оор салмактагы чемпиону аталган

Ошондой эле дүйнөлүк ММА лигаларында ийгилик жараткан мушкерлерибиз арбын. Катарда M-1 уюмунда күч сынашкан Бусурманкул Абдубаит уулу, чеченстандык Ахмат лигасында келишим түзгөн Канат Келдибеков, Berkut Young Eagles лигасында күч сынашкан Кубаныч Абдисалам уулу жана башкалар бар.

Тема боюнча

UFC Валентина Шевченконун BISHKEK, KGZ жазуулары бар футболка чыгарды
Баракелде! Кыргызстандын футбол боюнча курамасы Иорданияны утуп алды
Бойдок, чымыр денелүү, атактуу... Кыя өткөрбөгөн кыргыздын спортчу жигиттери
Жеңил атлет Дарья Маслова Кытайдагы ШКУ марафонунда коло тагынды
Белгилер:
жыл жыйынтыгы, жеңил атлетика, жыйынтык, күрөш, медаль, Спорт, ММА, Кыргызстан
Колдонуу эрежелериПикирлер

ЭҢ МААНИЛҮҮ