00:30 29 Жалган Куран 2020
Түз эфир
  • USD80.2015
  • EUR88.3099
  • RUB1.0318
Спорт
Кыскача шилтеме алуу
378 0 0

Слалом боюнча жалпысынан 108 спортчу катышып, экинчи этапка 52си гана өткөн

БИШКЕК, 22-фев. — Sputnik. Кыргызстандык лыжачы Евгений Тимофеев Түштүк Кореяда өтүп жаткан кышкы Олимпиада оюндарында тоо лыжасынын слалом дисциплинасы боюнча мыкты 40 спортчунун катарына кирди. Бул тууралуу Олимпиаданын расмий сайтына маалымдалды. 

Слалом боюнча жалпысынан 108 спортчу катышкан. Эреже боюнча аларга эки мүмкүнчүлүк берилет. Биринчи этапта марага жетпей калгандар экинчи этапка өткөрүлбөйт.

Биринчи мүмкүнчүлүктө кыргызстандык 98-номер менен чыгып, 1 мүнөт 01,56 секундада марага жеткен. Жыйынтыктоочу экинчи тебүүдө Тимофеев 49-орунду алып, кийинки этапка өткөн. Биринчи мүмкүнчүлүктү 56 спортчу колдоно албай, оюндан четтеген. Алардын катарында ири слалом боюнча олимпиада чемпиону австриялык Марсель Хашнер дагы бар.

Экинчи мүмкүнчүлүктө Тимофеев 1 мүнөт 2,37 секундда келген. Ошентип кыргызстандык спортчу эки квалификациянын жыйынтыгында 40-орунга татып, 68 атаандашын артта калтырган.

Алтын медалды норвегиялык Андре Мюрер алган.

Евгений Тимофеев буга чейин ири слалом боюнча мелдешке чыгып, 46 атаандашынан озуп, 63-орунга татыган.

Түштүк Кореядагы кышкы Олимпиада оюндарында Кыргызстандын намысын тоо лыжачы Евгений Тимофеев менен биатлончу Тариэль Жаркымбаев коргоду.

Тема боюнча

Олимпиадага алдамчылык менен барган америкалык спортчу аныкталды
Кыргызстандык лыжачы Олимпиада оюндарында 46 атаандашынан ашып өттү
Олимпиадада кыргыз туусун көтөрүп чыкчу Тариэл Жаркымбаев тууралуу 6 факты
Белгилер:
лыжа, олимпиада, Евгений Тимофеев, Пхенчхан, Кыргызстан

ЭҢ МААНИЛҮҮ