00:42 03 Теке 2020
Түз эфир
  • USD78.7872
  • EUR89.0098
  • RUB1.1172
Спорт
Кыскача шилтеме алуу
Нооруз — 2018 (32)
778 0 0

Өткөн жылы финалда да эки команда кармашып, "Ынтымак" баш байгени илип кеткен

БИШКЕК, 19-мар. — Sputnik. Көк бөрү боюнча республикалык мелдештин финалында Таластын "Ынтымагы" менен Оштун "Достук" командасы беттешмей болду. Бул тууралуу бүгүнкү оюндун жүрүшүндө белгилүү болду.

Жарым финалда оюн талаасына "Ынтымак" менен Сокулуктун "Биримдик Аю" командасы чыгып 2:1 эсебинде жеңип алган. "Достук" болсо Чүйдүн "Арашан" командасы менен кез келип, 15:1 эсеби менен финалга жолдомо алды. Ал эми "Биримдик Аю" менен "Арашан" үчүнчү жана төртүнчү орун үчүн беттешмекчи.

Эскертке кетсек, былтыр да финалда "Ынтымак" менен "Достук" командалары кармашып 8:7 эсеби менен "Ынтымак" баш байгени илип кеткен. Ал эми үчүнчү орунду "Биримдик Аю" камсыздаган. 

Эми кийинки оюндар 21-мартта Бишкектеги "Аккула" ат майданында өтмөкчү. Үчүнчү орун үчүн беттеш саат 10:00дө, финалдык бөлүгү 14.00дө башталат.

Мындан сырткары, Нооруз майрамына арналып ат чабыш жана эр эңиш боюнча улуттук оюндар уюштурулган. Ушул эле мелдеш Жалал-Абадда регионалдык деңгээлде өткөрүлүүдө.

Аталган турнир Нооруз майрамы жана III Дүйнөлүк көчмөндөр оюндарынын алкагында уюштурулуп 15-мартта башталган. Анда өлкөнүн жети дубанынан жана Бишкек, Ош шаарларынан 16 команда ат салышты.

Мелдешке Жаштар иши, дене тарбия жана спорт мамлекеттик агенттиктин алдындагы Улуттук спорт түрлөрү боюнча дирекция 2 миллион 890 миң сом бөлуп, анын 1 миллион 250 миң сому байге фондусун түзөт.

Тема:
Нооруз — 2018 (32)

Тема боюнча

Ноорузга карата өтчү көк бөрүдө кыл чайнашчу командалар такталды
Кыргызстанда улуттук оюндар тууралуу тасма тартылды. Трейлер
Көк бөрүдө тартылган улактын эти куурдакка айланганда. Видео
Белгилер:
финал, Көк бөрү, спорт, "Ынтымак" командасы, Достук

ЭҢ МААНИЛҮҮ