23:59 28 Жалган Куран 2020
Түз эфир
  • USD80.2015
  • EUR88.3099
  • RUB1.0318
Спорт
Кыскача шилтеме алуу
68 0 0

Учурда Дубай шаарында мүмкүнчүлүгү чектелген спортчулар арасында мелдеш өтүп жатат. Кыргызстандын атынан беш спортчу жөнөтүлгөн.

БИШКЕК, 19-фев. — Sputnik. Кыргызстандык спортчу Эсен Калиев пауэрлифтинг боюнча Дүйнө кубогунда күмүш медалга ээ болду. Бул тууралуу Жаштар иши, дене тарбия жана спорт боюнча мамлекеттик агенттиктен кабарлашты.

Учурда Дубай шаарында мүмкүнчүлүгү чектелген спортчулар арасында мелдеш өтүп жатат. 16-февралда башталга турнир 22-февралда жыйынтыкталат. Кыргызстандын атынан Калиевден тышкары Сагынбек Махаматкул уулу, Жыргалбек Оросбаев, Адилет Камчыбеков, Максат Аргымбаев жана машыктыруучу Аднан Джабраилов жөнөтүлгөн болчу.

  • Кубок Мира по пауэрлифтингу среди спортсменов с нарушениями опорно-двигательного аппарат в Дубае
    Кыргызстандык спортчу Эсен Калиев пауэрлифтинг боюнча Дүйнө кубогунда күмүш медалга ээ болду.
    © пресс-служба ГАМФКиС
  • Кубок Мира по пауэрлифтингу среди спортсменов с нарушениями опорно-двигательного аппарат в Дубае
    Учурда Дубай шаарында мүмкүнчүлүгү чектелген спортчулар арасында мелдеш өтүп жатат.
    © пресс-служба ГАМФКиС
  • Кубок Мира по пауэрлифтингу среди спортсменов с нарушениями опорно-двигательного аппарат в Дубае
    16-февралда башталга турнир 22-февралда жыйынтыкталат.
    © пресс-служба ГАМФКиС
1 / 3
© пресс-служба ГАМФКиС
Кыргызстандык спортчу Эсен Калиев пауэрлифтинг боюнча Дүйнө кубогунда күмүш медалга ээ болду.

Мелдешке катышып жаткан кыргыз спортчуларынын ичинен биринчи болуп Эсен Калиев 59 килограмм салмакта күчүн сынады. Алгачкы аракетинде 158 килограмм, экинчи ирет 163 килограммдык штанганы ийгиликтүү көтөрүп, үчүнчү жолкусунда 173 килограммды көтөрүү аракети текке кетти. Жыйынтыгында спортчу экинчи орунду ээледи.

Бул салмак ченинде алтын медалды 178 килограмм салмакты көтөргөн иорданиялык спортчу Тарбаш Мохаммад багындырды. Коло медалдын ээси таиланддык Сукжарейн Чоочат болду (150 кг).

Спортчуларды иш-сапарга жөнөтүү үчүн спорттун олимпиадалык эмес түрлөрү боюнча дирекциясынан 552 миң сом бөлүнгөн.

Баса, мелдеште бактысын сынай турчу Жыргалбек Оросбаев "Sports Awards-2017" версиясында "Паралимпиада боюнча мыкты спортчу" наамына ээ болгон.

Тема боюнча

Кышкы Олимпиадага экинчи ирет катышып жаткан Евгений Тимофеев тууралуу 7 факты
Белгилер:
пауэрлифтинг, мелдеш, спорт, Эсен Калиев

ЭҢ МААНИЛҮҮ