БИШКЕК, 27-авг. — Sputnik. Бокс жылдызы Флойд Мэйвезер UFC чемпиону Конор Макгрегорду техникалык нокаут менен жеңип алды.
Оюндун башында Мэйвезер катуу чабуул жасабай коргонуу менен гана атаандашынын чарчап-чаалыгышын күтүп турду. Ал 8-раунддан кийин катуу аракетке, чабуулга өтө баштаган. Качан гана 10-раундга жеткенде Макгрегорго катуулап, мушка алып, техникалык нокаут менен жеңип алды.
Дүйнө элинин бүйүрүн кызыткан беттеш бүгүн, 27-августта Лас-Вегаста өттү.
