БИШКЕК, 19-июл. — Sputnik. Жекеме-жеке урушуу боюнча дүйнөнүн бир нече жолку чемпиону Антонина Шевченко 2005-жылдан бери биринчи жолу ММА эрежелери боюнча англиялык мушкер Керри Хьюз менен беттешет. Бул тууралуу MMA Fighting порталы жазып чыкты.
Мелдеш 22-сентябрда Лондондо Phoenix Fighting Championship турниринин алкагында өтөт. Антонина Шевченконун апасы Еленанын айтымында, кызы 2003чү жана 2005-жылы ММА боюнча дүйнөнүн эки жолку чемпиону болгон.
@AntoninaPantera (PER) Vs @RocksteadyMMA (ENG) in #MMA. 22 de Septiembre in London!. YESS!!💪@PhoenixMMATHAI @ipdcomunicacion @UFCEspanol pic.twitter.com/p79LrIE2JL
— JHONATAN COTOS ALVA (@cotos_alva) 7 июля 2017 г.
"Андан бери кызым ММА боюнча мелдештерге катышкан эмес. Азыр ага сунуш келип түштү, эми күчүн сынап көрөт", — деди ал.
Антонина Шевченко муайтай жана К1 мушташы боюнча дүйнөнүн чемпиону. Андан сырткары, кикбоксинг жана тай боксу боюнча титулдары бар.
