БИШКЕК, 29-июн. — Sputnik. Чилинин футбол боюнча курама командасы португалиялык атаандаштарын жеңип, Конфедерация кубогунун финалына чыкты. Жарым финалдык оюн Казань шаарында өттү.
Негизги убакыт ичиде командалар мыкты оюн көрсөткөнү менен биринин да дарбазасына топ кирген жок. Футболчулар кошумча убакыт аралыгында дагы бири-бирине гол киргизе албай койгондо гана жеңүүчүнү пенальти жолу менен аныктоо чечими кабыл алынды.
Пенальтиде мыктылыгын Чили командасы көрсөтүп, атаандаштарын 3:0 эсеби менен утуп алды.
Эми жеңишке жетишкен команда Германия же Мексиканын футболчулары менен ойнойт.
