БИШКЕК, 20-июн. — Sputnik. Кыргызстандын футбол боюнча өспүрүм курама командасы Тажикстандагы эл аралык турнирге катышат. Бул тууралуу өлкөнүн Футбол федерациясы кабарлады.
Маалыматка ылайык, CAFA Cup-2017 аталышындагы мелдеш 2-июлдан 10-июлга чейин өтөт. Ага Иран, Тажикстан, Өзбекстан, Афганистан, Түркмөнстан жана Кыргызстандын курама командалары катышат. Беттештер Гиссар жана Душанбе шаарында болот.
Турнирдин биринчи күнүндө Тажикстан менен Кыргызстандын командалары Гиссар шаарынынын борбордук стадионунда кездешет.
