15:47 28 Жетинин айы 2021
Түз эфир
  • USD84.7747
  • EUR95.3546
  • RUB1.1215
Коом
Кыскача шилтеме алуу
401 0 0

Якуниндин өлүмү боюнча соттук-медициналык экспертизанын жыйынтыгы чыгып, бала сабалганы тастыкталды. Милиция Кылмыш-жаза кодексинин 138-беренеси боюнча иш козгоду.

БИШКЕК, 30-июн. — Sputnik. Военно-Антоновкадагы балдар үйүндөгү 13 жашар Игорь Якуниндин өлүмүнө байланыштуу соттук-медициналык экспертизанын жыйынтыгы чыкты. Бул тууралуу Чүй облустук ИИББден билдиришти.

Буга чейин өлүм фактысы боюнча сотко чейинки өндүрүш башталган. Экспертиза бала сабалганын тастыктады.

"Чүй облустук ИИББдин тергөө кызматы соттук-медициналык экспертизанын жыйынтыгы менен ишти Кылмыш-жаза кодексинин 138-беренесине ("Адам өлүмүнө алып келген денеге оор залал келтирүү") которду",  — деп айтылат маалыматта.

Эске салсак, балдар үйүнүн 13 жаштагы тарбиялануучусунун каза тапканы тууралуу маалымат тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуу болгон.

Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон. Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген шек жаралып жаткандыгын айткан. Кийин Саламаттык сактоо министрлиги өспүрүмдүн өлүмүнө байланышкан экспертизанын жыйынтыгы 29-июнда чыга турганын кабарлаган.

Тема боюнча

Өспүрүм каза болгон балдар үйүнө атайын комиссияны киргизбей коюшту
Белгилер:
Чүй облусу, Игорь Якунин, балдар үйү, экспертиза

ЭҢ МААНИЛҮҮ