08:00 29 Теке 2021
Түз эфир
  • USD84.6655
  • EUR100.1043
  • RUB1.1502
Коом
Кыскача шилтеме алуу
179 0 0

Диетологдун пикиринде, кыз-келиндер арыктоо учурунда майдан таптакыр баш тартып койгону туура эмес. Анын ордуна таттууну, ак күрүчтү жана нанды убактылуу токтото турган жакшы.

БИШКЕК, 5-июн. — Sputnik. Диетолог, медицина илимдеринин доктору Алексей Ковальков аялдар арыктоо учурунда кетирген негизги катаны атап, ал ден соолукка кандай залакасын тийгизерин түшүндүрдү.

Дарыгердин пикирине таянып Sputnik радиосу кабарлаганына караганда, кыз-келиндер арыктоо учурунда майдан таптакыр баш тартып койгону туура эмес.

"Организмдеги май аялдардын этек киринин циклин жөнгө салып турат. Көпчүлүк аялдар диета кармап, май жебей койгон учурда этек кири кечигип же таптакыр эле токтоп калат. Демек, организмдин бир жерине доо кетет. Аны калыбына келтирүү үчүн гормоналдык препараттарды ичүүгө туура келет", — деди диетолог.

Анын ордуна адис таттуудан, ак күрүчтөн жана нандан убактылуу баш тартуу туура экенин айтат.

Мындан тышкары, Ковальков диета учурундагы салмактын 10 пайызынан азыраагынан арылгысы келгендер үчүн гана пайдалуу экенин айтат. Ал эми бир топ толуп жана мындай салмак менен көп убакыт бою жүргөндөргө дарыгердин көзөмөлүндө, арыктоонун башка ыкмаларын дагы колдонууну сунуштайт.

Тема боюнча

Кимдер ракка көбүрөөк чалдыгышы мүмкүн. Адистин пикири
Арыктоого кайсы азык тоскоол болот? Эндокринологдун кеңеши
Белгилер:
ката, арыктоо, ден соолук, салмак, аял

ЭҢ МААНИЛҮҮ