Абактагы Райым Матраимов кан басымы көтөрүлүп жатканын айтты

© Sputnik / Табылды КадырбековКан басым текшерип жаткан дарыгер. Архив
Кан басым текшерип жаткан дарыгер. Архив - Sputnik Кыргызстан, 1920, 22.02.2021
Жазылуу
Райым Матраимов 18-февралда Улуттук коопсуздук мамлекеттик комитети тарабынан кармалып, тергөө абагына киргизилген.
БИШКЕК, 22-фев. — Sputnik. УКМКнын тергөө абагында кармалып турган Бажы кызматынын төрагасынын мурунку орун басары Райым Матраимовдун кан басымы жогорулап жатканы белгилүү болду. Бул тууралуу Sputnik Кыргызстан маалымат агенттигине Кыйноолорду алдын алуу улуттук борборунун директору Бакыт Рысбеков билдирди.
Рысбеков бүгүн Матраимов менен жолугуп, анын ден соолугунан кабар алып келген.
"Матраимов кармоо шартына эч кандай нааразычылыгы жок экенин айтты, болгону кан басымы бир аз жогорулап жатыптыр", — деди Рысбеков.
Эскерте кетсек, Матраимов 18-февралда кармалып, эки күндөн кийин Биринчи май райондук соту эки айга камакка алуу чечимин чыгарган.
Жаңылыктар түрмөгү
0