Министр: COVID олуттуу оору, өз алдынча дарылангандар ажал табышы мүмкүн

© Фото / Республиканский штаб КР по борьбе с COVID-19Саламаттык сактоо министри Сабиржан Абдикаримов брифинг учурунда
Саламаттык сактоо министри Сабиржан Абдикаримов брифинг учурунда - Sputnik Кыргызстан
Жазылуу
Абдикаримов өз алдынча дарылануу адам өмүрүнө коркунуч жаратарын эскертип, абалы оорлошо электе дарыгерге кайрылууга чакырды.

БИШКЕК, 29-июн. — Sputnik. Соңку учурда коронавируска кабылып, оорусу өтүшүп кеткен адамдар ооруканага арбын түшүп жатат, мындай учурда өмүрүн сактап калуу мүмкүн эмес. Бул туурасында саламаттык сактоо министри Сабиржан Абдикаримов брифинг учурунда билдирди.

Министр элге кайрылып, өз алдынча дарылана берүү адам өмүрүнө коркунуч алып келерин эскертти.

"Соңку убакта коронавирустан жаштардын дагы каза болушу катталууда. Буга алар көпкө чейин үйүндө өз алдынча дарыланып отура бергени себеп болууда. Аймактык дарыгерге кайрылган эмес. Тааныштары айткан ыкмалар менен дарыланган. Бул аябай олуттуу оору, өз убагында кайрылып, адистер дарылабаса жашоо менен кош айтышып калышы мүмкүн", — деп кайрылды Абдикаримов.

Кыргызстанда 1145 адам пневмония менен жабыркап, 54ү каза болду

Мындан сырткары, ал "ооруканалар толуп Тез жардам менен алып келинген бейтаптар кабыл алынбай жатат" деп тарап жаткан билдирүүнү төгүндөдү. Ал сүрөт Фучиктеги №1 ооруканада койкаларды бошотуу үчүн жаткан бейтаптарды башка ооруканага алып кетүүгө Тез жардам автоунаалары келгенде тартылганын айтты.

Коркунучтуу дарт экен! Ооруканадан кайрылуу жасаган 37 жаштагы милиционер көз жумду

Жаңылыктар түрмөгү
0