Мейманкана бейтап кабыл алат. Өкмөт кошумча орун даярдоого катуу киришти

Жазылуу
Өкмөт башчы Бишкек, Ош шаарларында, Чүй жана Ош облустарында кырдаал күн сайын оорлошуп жатканына тынчсыздануусун билдирди.

БИШКЕК, 26-июн. — Sputnik. Кыргызстанда өзгөчө абал режимин киргизүү — эпидемиологиялык абал өтө начарлаганда көрүлө турган акыркы чара. Өкмөт мындай абалга жеткирбөө үчүн бардык күч-аракетин жумшайт. Бул тууралуу премьер-министр Кубатбек Боронов Республикалык штабдын жыйынында билдирди.

Анын айтымында, Бишкек, Ош шаарларында, Чүй жана Ош облустарында кырдаал күн сайын оорлошууда. Ооруга чалдыккандардын 50 пайызы вирусту кайдан жуктурганын билбейт.

"Ар бир жаран тийиштүү санитардык эрежелерди сактап жүрүшү керек. Ошондо биз карантиндик чараларды киргизбей коё алабыз. Бейтаптарды медицина мекемелерине кабыл алуу көйгөйү чечиле элек. Бишкекте, Чүй облусунда жана Ошто кошумча орундарды даярдоо керек. Бишкектин ооруканалары толуп калса, жарандар Чүй облусуна жөнөтүлөт, — деди Боронов.

Ошондой эле өкмөт башчы "Семетей" (мурдагы "Ганси" базасы) обсервациясындагы корпустардын ремонтун тезинен бүтүрүү жана "Ак-Кеме" мейманканасын коронавируска кабылган адамдарды кабыл алууга ылайыкташтыруу тапшырмасын берди.

Бир саатта жыйынтык чыгат. КРде коронавирус башка ыкма менен аныктала баштады

Мындан сырткары, 118 кызматына 20 линия аз экенин айтып, операторлордун санын эки эсеге көбөйтүү керектигин белгилеген.

Жыйында саламаттык сактоо министри Сабиржан Абдикаримов учурда Бишкекте 540 кошумча орун даярдалганын айтты.

Бишкекте 118 кызматы албаса, башка кимге кайрылса болот? Тизме

Бүгүнкү күндө Кыргызстанда вирус жуктуруп алгандардын жалпы саны 4 204кө жетти. Оорудан 43 киши каза тапты.

Азыркы тапта стационарларда 633 киши дарыланууда, анын 12си реанимацияда. 1 366 бейтап үй карантининде, аларда оорунун симптомдору жок. Акыркы маалымат боюнча, 2 162 адам ооруканадан чыгарылды.

Жаңылыктар түрмөгү
0