08:40 08 Баш оона 2020
Түз эфир
  • USD77.0500
  • EUR91.1694
  • RUB1.0463
Коом
Кыскача шилтеме алуу
69 0 0

Иши азыраак соттордун штаты азайып, жүк башка судьяларга жүктөлдү. Бул күнгө чейин 48 Фемида өкүлдөрү ротация болду.

БИШКЕК, 23-июн. — Sputnik. Кыргызстанда бир катар соттордун жасай турган ишин көбөйтүү менен иши азыраак жергиликтүү соттордун штаты кыскарды. Бул тууралуу мамлекет башчынын маалымат кызматынан кабарлашты.

Президент Сооронбай Жээнбеков. Архив
© Пресс-служба президента КР / Султан Досалиев
Бул Фемида өкүлдөрүнүн штаттарын оптималдаштыруу максатында жасалды.

Мындай сунушту КРдин президентине караштуу Соттук реформа боюнча кеңеш киргизген. Аталган маселе Жогорку Кеңеште каралган. Тактап айтканда, парламенттин айрым депутаттары тарабынан "Кыргыз Республикасынын жергиликтүү сотторунун түзүмүн жана жергиликтүү соттордун штаттык санын бекитүү жөнүндө" Кыргыз Республикасынын мыйзамына өзгөртүүлөрдү киргизүү тууралуу" Кыргыз Республикасынын мыйзамынын кабыл алынышы демилгеленген, ал 2020-жылдын 9-июнунда күчүнө кирген.

"Бул мыйзам иши азыраак айрым жергиликтүү судьялардын штатын кыскартуу жана аларды көбүрөөк иши бар сотторго берүү аркылуу соттордун штаттарын оптималдаштырууну карайт. Мында жергиликтүү соттордун судьяларынын ишин теңдештирүүгө жана жарандардын сот адилеттигине жеткиликтүүлүгү мүмкүнчүлүгүн кеңейтүүгө, ошондой эле аларды көбүрөөк оорчулук жүктөлгөн жергиликтүү сотторго ротациялоого өбөлгө түзөрү болжолдонууда", — деп айтылган маалыматта.

Аталган мыйзамга ылайык, Соттор кеңеши белгиленген тартипте тиешелүү жол-жоболорду ишке ашырган. 2020-жылдын 12-июнунда жергиликтүү соттордун 48 судьясын которуу (ротациялоо) тууралуу чечим кабыл алган жана аны андан ары президенттин кароосуна сунуштаган. Мунун негизинде Жээнбеков тиешелүү Жарлык чыгарган.

Тема боюнча

Өкүм чыгышы мүмкүн. Батукаев боюнча Атамбаевдин соту 23-июнга жылдырылды
7,5 жылга кесилет! Зомбулук көрсөткөндөрдү тосмо арызга карабай камоо сунушталды
Аялынын мойнуна дөңгөлөк илип сабаган кишинин иши сотко өттү
Белгилер:
реформа, мыйзам, жарлык, ротация, соттор кеңеши, Кыргызстан

ЭҢ МААНИЛҮҮ