01:36 03 Теке 2020
Түз эфир
  • USD78.7872
  • EUR89.0098
  • RUB1.1172
Коом
Кыскача шилтеме алуу
104 0 0

Министрлик калган жарандарга чек ара ачылмайынча Россия менен Казакстандын чек арасы тарапка барбай турууну эскертти.

БИШКЕК, 24-май — Sputnik. Россиянын Оренбург облусунан Бишкекке автобус менен 413 кыргызстандык алып келинди. Бул тууралуу Тышкы иштер министрлигинен билдиришти.

"24-май күнү тогуз автобустан турган колонна Оренбург облусунан 413 жаранды алып келди. Алар алгоритмге ылайык медициналык кароодон өтүп, обсервацияга жайгаштырылат", — деп айтылат билдирүүдө.

Ошол эле учурда Тышкы иштер министрлиги калган жарандарга чек ара ачылмайынча Россия менен Казакстандын чек арасы тарапка барбоого чакырат.

"Күтүүсүз кадамдарга барып, эмоцияга алдырып, башка адамдардын жашоосуна коркунуч жаратпоого үндөйбүз. Учурда жашап жаткан өлкөнүн бийлигин чукул чечим кабыл алууга мажбурлабаңыздар", — деп суранды министрлик.

Алгач Оренбург облусунун Бузулук районунда турган 448 мекендешибиздин кыргыз тарап жиберген автобустар менен жолго чыкканы айтылган. Кийин алардын арасында башка өлкөлөрдүн дагы жарандары болгондуктан, бир нечеси Россия, бир нечеси Казакстандын чек ара пунктуларынан өтө албай калышкан эле.

Кыргызстандагы COVID-19

Кыргызстанда коронавирус жуктуруп алгандардын жалпы саны 1403 болуп, 980 бейтап айыкты. Тилекке каршы, COVID-19 он төрт кишинин өмүрүн алган.

Учурда абал Нарын облусунда кыйын болуп турат.

11-майдан тарта айрым аймактардагы өзгөчө абал режими алынып, ал эми өлкө боюнча киргизилген өзгөчө кырдаалдын мөөнөтү узартылды. Бишкек, Ош шаарларында, Ат-Башы районунда жана Чаткал районунун Каныш-Кыя айыл аймагында карантин жарыяланды. Бул жергиликтүү бийликке кырдаалга жараша чектөөлөрдү киргизүүгө укук берет.

Өлкөдөгү абал тууралуу Sputnik Кыргызстан тексттик баяндама жүргүзүүдө.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Тема боюнча

Күздө КРде гриппке каршы массалык эмдөө болушу мүмкүн. Оорунун экинчи толкуну
Белгилер:
автобус, жаран, карантин, Россия, Казакстан, Кыргызстан

ЭҢ МААНИЛҮҮ