Эртеңден тарта коменданттык саат токтотулабы? Өкмөттүн жообу

© AFP / VYACHESLAV OSELEDKOУкук коргоо кызматкерлери жумуш учурунда. Архив
Укук коргоо кызматкерлери жумуш учурунда. Архив - Sputnik Кыргызстан
Жазылуу
Кыргызстанда бул түнү өзгөчө абал режими аякташы керек. Штаб коменданттык саатты алып салуу чечимин кабыл алды.

БИШКЕК, 10-май — Sputnik. Эртең, 11-майда, Бишкек, Ош жана Жалал-Абадда 25-марттан тарта киргизилген коменданттык саат алып салынат. Бул тууралуу өкмөттөн билдиришти.

Кеп Нарын облусунун Ат-Башы районуна 15-апрелден тарта киргизилген өзгөчө абал режими тууралуу дагы болуп жатат.

Маалыматка караганда, айрым аймактарга киргизилген өзгөчө абал режими саат 00:00дө аяктайт дагы, өзгөчө кырдаал режими уланат. 

Буга чейин президент Сооронбай Жээнбеков республикада өзгөчө кырдаал режими кала берерин айткан.

Өзгөчө абал менен өзгөчө кырдаал режиминин айырмасын Sputnik агенттиги даярдаган материалдан окуңуздар. 

Азыркы абал

Медициналык борбордун кызматкерлери жумуш учурунда. Архив - Sputnik Кыргызстан
Министрлик: COVID-19 боюнча абал курч, элди сак болууга чакырабыз
Акыркы суткада дагы 71 адамдан коронавирус табылды. Алардын ичинен 16сы өлкө аймагында жүрүп жуктургандар болсо, 55и Соль-Илецкиден келгендер. 10-майга карата Кыргызстанда COVID-19 вирусун жуктуруунун учуру 1002ге жетти. Ооруканадан сакайып чыккандардын саны – 675, каза болгондор — 12.

Sputnik Кыргызстан агенттиги өлкө аймагындагы абалга саресеп салып, тексттик трансляция жүргүзүп жатат.

Sputnik редакциясы карантин учурунда ар тараптан жардам бере турган кызматтардын ишеним телефондорун жана облустардагы комендатура, штабдардын номерлерин жарыялаган.

Кабарларды ыкчам, ыңгайлуу шартта окуу үчүн Telegram каналыбызга баш багыңыз.

Жаңылыктар түрмөгү
0