03:13 07 Кулжа 2020
Түз эфир
  • USD74.2343
  • EUR84.1186
  • RUB1.0816
Коом
Кыскача шилтеме алуу
Коронавируска байланыштуу Кыргызстандагы кырдаал (1510)
106210

Каракол шаарынын Кирпич заводу районундагы көп кабаттуу үйдүн тургундары аларды сыртынан бекитип салууга нааразы болууда. Ал эми мэрия мындай кадамга мажбур болгонун айтып жатат.

БИШКЕК, 6-апр. — Sputnik. Каракол шаарында эшиктери ширетилген көп кабаттуу үйдүн тургундары же сыртка чыга албай, же эч кимден расмий түшүндүрмө ала албай кыйналууда. Бул тууралуу ал үйдүн жашоочуларынын бири Sputnik агенттигине билдирди.

Белгилей кетсек, кечээ социалдык тармактарда Каракол шаарында белгисиз кишилер көп кабаттуу үйлөрдүн эшиктерин ширетип жаткан видео тарап, интернет колдонуучулар тарабынан сынга алынган.

“Бүгүн ушул убакка чейин бизге бир дагы бийлик өкүлү келип, абалды түшүндүрө элек. Буга чейин биздин үйдө жашаган кишини коронавирус жуктурган болушу мүмкүн деп алып кетишкен. Анын анализи кандай чыкканын, эми биз кантип сактанышыбыз керектигин дагы билбейбиз. Азыр сыртка чыгып же таштанды төгө албайбыз, же дүкөндөн азык-түлүк ала албайбыз. Дагы жакшы сыртта жүргөн бир киши дүкөндөн нан алып келип берди”, — деди атын атагысы келбеген тургун.

Премьер-министр Мухаммедкалый Абылгазиев. Архив
© Фото / Пресс-служба Правительства КР / Алишер Алиев
Ал тартып алган видеолордо көрүнүп тургандай, чындап эле эшиктин сырткы темир тосмосу бекитилген.

Ал эми Каракол мэриясы Sputnik агенттигинин жергиликтүү кабарчысына билдиргенине караганда, Кирпич заводу аймагындагы №55 үйдө жашаган 30 жаштагы тургун обсервацияга алынган. Бирок ал акыркы күндөрү ким менен байланышта болгонун айтпай жаткандыктан, аталган үйдү толугу менен жаап туруу чечими кабыл алынган.

Учурда анын тегерегине барчу жолдор дагы жабылып, дезинфекция иштери жүргүзүлүп жатканы кошумчаланды.

Тема:
Коронавируска байланыштуу Кыргызстандагы кырдаал (1510)

Тема боюнча

Соцтармакта Караколдо эшиктери ширетилген үйлөрдүн видеосу чуу жаратты
Белгилер:
эшик, коронавирус, карантин, Каракол

ЭҢ МААНИЛҮҮ