ТИМ: 45 өлкөдө жүргөн 3800дөй кыргызстандык кайтууну көздөп жатат

© Sputnik / Рамиль Ситдиков / Медиабанкка өтүүАэропортто күтүп жаткан жүргүнчүлөр. Архив
Аэропортто күтүп жаткан жүргүнчүлөр. Архив - Sputnik Кыргызстан
Жазылуу
Мекенине кайтуу ниетин билдиргендердин көпчүлүгү Түркия, Россия жана Бириккен Араб Эмирлигинде жүргөндөр.

БИШКЕК, 30-мар. — Sputnik. Кыргызстандын чет жакта жүргөн 3800дөй жараны мекенине кайтуу ниети менен кайрылды. Бул туурасында Тышкы иштер министрлигинин маалымат кызматы кабарлады.

Билдирүүгө ылайык, чек аралар жабылып жана авиакаттамдар токтотулганына байланыштуу ТИМдин ыкчам байланыш номерине жана элчиликтерге Европа, Түндүк Америка жана Азиянын 45 өлкөсүндө жүргөн кыргызстандыктар кайрылган.

Азыркы тапта Сауд Аравияда кичи ажылыкка барган үч мекендеш кармалып турат. Алар 12-мартта кайтып келишмек, бирок бирөөсү ооруканага жаткырылгандыктан аны менен кошо дагы эки жаран калган.

Мекенине кайтуу ниетин билдиргендердин көпчүлүгү Түркия, Россия жана Бириккен Араб Эмирлигинде жүргөндөр.

"Коронавируска шектелип дарыланып жаткан мекендештер менен үзгүлтүксүз байланыш бар. Дипломаттар чет жактагы мекендештерге күнү-түнү тиешелүү жардамдары колдон келишинче көрсөтүп жатат. Ошондой эле кыргызстандыктар көп жайгашкан шаарлардагы консулдуктун кызматкерлери коронавирустан коргонуу боюнча түшүндүрүү иштерин жүргүзүүдө", — деп айтылат маалыматта.

Мындан сырткары, ТИМ соңку 10 күндүн ичинде чет өлкөдөн келген кыргызстандыктар тууралуу дагы маалымат берди.

Россия

Эл аралык Шереметьево аэропорт иш учурунда. Архив - Sputnik Кыргызстан
Москвада калган 400дөй кыргызстандык Бишкекке алып келинди. Видео
20-30-март күндөрү пландалган авиакаттамдар менен Бишкек, Ош шаарларына Москва, Санкт-Петербург, Новосибирск, Екатеринбург, Сургут жана Иркутск шаарларынан 1442 кыргызстандык келген.

Ал эми 29-мартта Москвадан чартердик рейс менен 402 жаран алып келинген.

Мунун арасында Таиланд, АКШ, Франция, Доминикана Республикасы, Болгария, Вьетнам жана Польшадан келгендери дагы бар.

Казакстан

"Алматы" аэропорту аркылуу Индия, Таиланд, Египет, Шри-Ланка жана Малайзиядан 168 жаран келди.

Бириккен Араб Эмирлиги

22-24-мартта чартердик учак менен Дубайдан Бишкекке 326 мекендеш алып келинди.

Түркия

25-мартта Анталья — Бишкек чартердик каттамы уюштурулуп, 197 кыргызстандык мекенине келди.

Иран

Аэропорттогу жүргүнчү - Sputnik Кыргызстан
Ачкачылык жарыялайбыз! РФ аэропортунда калган КР жарандары Жээнбековго кайрылды
56 жүк ташуучу Азербайжан, Россия жана Казакстан аркылуу транзиттик коридор менен кайтып келишкен.

Тышкы иштер министрлиги мындай иш-чаралар дүйнөдөгү кырдаал турукташып, авиакаттамдар жанданганга чейин активдүү жүргүзүлөрүн белгилейт.

Эскерте кетсек, коронавирус кооптуулугуна байланыштуу Кыргызстан бүт чек араларын жаап, авиакаттамдарын токтоткон. Ушундай эле чектөөлөр дүйнөнүн бир нече мамлекетине киргизилген.

Жаңылыктар түрмөгү
0