БИШКЕК, 18-мар. — Sputnik. Дүйнөлүк саламаттыкты сактоо уюмунун (ДССУ) Кыргызстандагы өкүлчүлүгүнүн кызматкери Назира Артыкова өлкөдө аныкталган алгачкы коронавирус мисалдары боюнча пикирин айтты. Ал Бишкекте өтүп жаткан брифинг учурунда сүйлөдү.
Анын айтымында, ДССУ кеңсеси бир топтон бери өзгөчө кырдаалга дайындануу режиминде иштеп жаткан.
"Биз үчүн күтүүсүз эч нерсе болгон жок. Коронавирус акыры Кыргызстанга дагы жетерин билгенбиз. Учурда уюм бардык өнөктөштөр менен кызматташып жатат. Келе жаткан 12 айдагы иш-аракеттер боюнча ведомстволор аралык план дайындалган. Бул буга чейин медициналык кызматкерлерди дайындаганбыз", — деди ал.
Адис белгилеп өткөндөй, учурда Кыргызстанда вирусту аныктоо боюнча беш лаборатория иштеп жатат.
"Эки лаборатория Бишкекте, бирөө Ошто. Ошондой эле стационар сыяктуу жабдылган мобилдик лабораториялар ишке киргизилип жатат. Алар анализдерди ташуу татаал болгон жерлерде иштешет", — деди Артыкова.
Эске салсак, Кыргызстанда коронавирус жуктуруп алган үч адам аныкталды. Алар 12-мартта Сауд Аравиядан кичи ажылыктан келишкен. Азыр алар Жалал-Абад облустук ооруканасынын жугуштуу илдеттер бөлүмүндө.
Кыргызстанда учурда коронавируска байланыштуу абал кандай болуп жатканын Sputnik Кыргызстан агенттигинин тексттик трансляциясынан жана Телеграм-каналдан окуй аласыздар.
