21:22 20 Жетинин айы 2019
Түз эфир
  • USD69.8500
  • EUR77.2506
  • RUB1.0910
Мурдагы ички иштер министри Молдомуса Конгантиев. Архив

Уулу бажычы, өзү асыл тукум жылкы кармайт. Молдомуса Конгантиев тууралуу 6 факты

© Sputnik / Павел Лисицын
Коом
Кыскача шилтеме алуу
2453 0 0

Бүгүн интернеттин кыргыз сегментинде жаңы "жылдыз" пайда болду. Ал мурдагы ички иштер министри Молдомуса Конгантиев.

Бишкектин четиндеги Алтын-Ордо конушундагы (Полиция шаарчасы) көчөгө мурдагы ички иштер министри Молдомуса Конгантиевдин ысымы ыйгарылганы социалдык тармактарда талкуу жаратты. Көпчүлүк "Бул Конгантиевдин кайсы эмгеги үчүн  жасалды?" деген суроо беришти.

Мындан улам Sputnik Кыргызстан агенттиги бул адамдын ким экенин эске салуу максатында ал тууралуу кызыктуу фактыларды даярдады.

Главы МВД стран ШОС провели совещание в Екатеринбурге
© Sputnik / Павел Лисицын
Молдомуса Конгантиев 2008-2010-жылдары Ички иштер министри болуп иштеген

Туулган жери, билими жана эмгек жолу

Молдомуса Конгантиев 1958-жылдын 31-мартында Жалал-Абад облусунун Майлуу-Сай шаарында туулган. 1989-жылы Кыргыз улуттук университетинин юридикалык факультетин "Укук таануу" адистиги боюнча аяктаган. Эмгек жолун Улуттук банкта күзөтчү катары баштаган. Кийин Социалисттик менчикти уурдоого каршы бөлүмдө нөөмөтчүдөн тарта опер кызматкерге чейин жеткен. Андан соң Жалал-Абад милициясында ар кайсы кызматтарды аркалап жүрүп, 2005-жылы жоогазын революциясынан кийин Бишкек милициясынын жетекчиси болуп дайындалган. Бул кызматта үч жыл отуруп, 2008-жылдын январь айында ички иштер министри болгон.

Талас окуясы жана кылмыш иштери

Конгантиев 2010-жылдын 7-апрель күнү эл Курманбек Бакиевдин бийлигине каршы митингге чыкканда, нааразычылык эң курч болуп турган Талас шаарына барган. Ошол жерден нааразы болгон митингчилердин колуна түшүп калып, ур-тепкиге алынган. Көп өтпөй аны жубайы Кыргызстандан алып чыгып кеткенин жергиликтүү ЖМКлар жазган. Бирок 26-апрель күнү КРдин Улуттук коопсуздук мамлекеттик кызматы россиялык кесиптештеринин жардамы менен Москва шаарынан аны колго түшүрүп, Бишкекке алып келген. Ага "Кызматтык ыйгарым укуктардан аша чабуу" жана "Шалаакылык" беренелери менен айып коюлган.

Министр внутренних дел Молдомуса Конгантиев выступает на пресс-конференции. 7 апреля 2010 года
© AP Photo / Anatolia via APTN
2019-жылдын июль айында Конгантиевди Бишкектин Биринчи Май райондук соту актаган

Акталышы

Анткен менен туура тогуз жылдан кийин, тагыраагы, 2019-жылдын июль айында Конгантиев Бишкектин Биринчи Май райондук соту тарабынан айыптоолор боюнча далил табылбагандыктан акталган.

Тууган-уругу

Мурдагы министрдин жакындарынын арасында майлуу-сүттүү кызматтарда иштеген же азыр дагы иштеп жүргөндөр бар. Жалпыга белгилүү болгондой, агасы Камбаралы Конгантиев мурдагы башкы прокурор. 2005-жылы Жогорку Кеңештин депутаты да болгон. Азыр пенсияда. Анын уулу Кубанычбек Конгантиев 2012-жылдан тарта Бишкек шаардык кеңештин депутаты. Ал эми кызы Зарема Камбаралиевна Конгантиева сот тармагында эмгектенет. Буга чейин Бишкектеги Свердлов райондук сотунун судьясы болгон. Өзүнүн уулу Автандил Конгантиев "Түндүк" темир жол бажысынын жетекчисинин орун басары.

Уулу сабалган

Баса, уулу Автандил 2018-жылдын аягында сабалып, иши сотко чейин жеткен. 35 жаштагы Автандил Конгантиев Лебединовка айылындагы ресторандардын биринин жанынан түн ичинде эч себепсиз токмок жедим деп Аламүдүн райондук милициясына арыз жазган. Кийин шектүүлөр кармалган. Алардын бири мурда бажы кызматында иштегени айтылган. Кийин жергиликтүү ЖМКлар тараптар элдешкендиги тууралуу жазып чыкты.

Бывший министр внутренних дел КР Молдомуса Конгантиев (слева)
© Фото / из личного архива Молдомусы Конгантиева
Молдомуса Конгантиев аламан улакка чабылган асыл тукум жылкыларды кармайт

Аламан улакка түшкөн аттары бар

Жыл башында Sputnik Кыргызстан редакциясы асыл тукум жылкылар тууралуу макала даярдап жатканда, Молдомуса Конгантиев менен байланышкан. Анда өзү жылкыга кызыгаарын жана аламан улакка салган бир нече аттары бар экенин айтып берген. Ат спортун сүйүүчүлөрдүн арасында белгилүү Генерал жана Навигатор аргымактары Конгантиевге тиешелүү. Алар Кыргызстандагы зоот деп эсептелген аттардын катарына кирери да айтылып жүрөт.

Тема боюнча

Молдомуса Конгантиевдин аты көчөгө эмне үчүн берилди. Бийликтин түшүндүрмөсү
Молдомуса Конгантиев күнөөсүз деп табылды
Белгилер:
кылмыш иши, революция, кызмат, үй-бүлө, факты, Молдомуса Конгантиев

ЭҢ МААНИЛҮҮ