03:29 23 Аяк оона 2019
Түз эфир
  • USD69.8317
  • EUR77.1501
  • RUB1.0937
Депутат Жогорку Кенеша 6 созыва Садык Шер-Нияз от фракции Ата Мекен во время заседания

Садык Шер-Нияз жаңы дайындалган билим берүү министрине эскертүү берди

© Фото / пресс-служба ЖК / Ашыркул Оморкулов
Коом
Кыскача шилтеме алуу
279210

Жогорку Кеңеш 107 добуш менен Каныбек Исаковду билим берүү жана илим министри кызматына колдоду.

БИШКЕК, 11-сен. — Sputnik. Жогорку Кеңештин депутаты Садык Шер-Нияз билим берүү министри болуп жаңы шайланган Каныбек Исаковго каалоо сөзүн айтты.

Эл өкүлү жаңы министрдин буга чейин ээ болгон сый-урматы ылайга оонатылбаса экен деген кабатырлануусун билдирди.

"Менин коркконум — ошол сиздин асыл атыңызды ылайга оонатышпаса болду. Анткени бул министрлик деген чоң орган, анын ичинде Советтер Союзунан бери калыптанып калган мафия, кирди-чыкты жумуштар жана килем алдындагы оюндар абдан көп болот", — деди Шер Нияз.

Депутат, андан сырткары, Исаковго саясатчы да болуу керектигин эскертти.

"Бул жерде саясатчы да болуу керек. Латын тамгасы тууралуу айттыңыз. Мындай сөздөрдөн абай болуңуз. Бул оор багыт. Мына Каныбек Иманалиев экөөбүз 10 жылдан бери байыркы кыргыз жазуулары тууралуу мыйзамды өткөрө албай келебиз. Коомдо кандай каршылыктар болгонун бир карап көрүңүз", — деди депутат.

Эл өкүлү жаңы шайланган министр буга чейин Оштогу уюштуруучулук иштери үчүн Кыргыз Республикасынын Баатыры наамына татыктуу экенин кошумчалады.

"Сизге, албетте, ийгилик каалайбыз. Бизден кандайдыр бир жардам керек болсо келип туруңуз. Бекем болуңуз, чечкиндүү болуңуз, мансап үчүн, кызмат үчүн өзүңүздүн бийик атыңызды тебелетпеңиз. Сиздин намысыңызга, кадыр-баркыңызга, абийириңизге шайкеш келбеген иштерди кылгандан көрө ошол министрлик кызматтан баш тартып кетип калган жакшы", — деген каалоосун айтты.

Эске салсак, Жогорку Кеңештин депутаттары 11-сентябрдагы жалпы жыйында билим берүү жана илим министри кызматына Каныбек Исаковдун талапкерлигин карап, 107 добуш менен аны колдоого алды. Исаков буга чейин Ош мамлекеттик университетинин ректору болуп иштеп келген.

Тема боюнча

Садык Шер-Нияз: сыйлыкка көрсөтүүчү комиссия саясий куралга айланды
Депутат министр болчу Исаковдун мектеп фонддорун жабам деген оюн сынга алды
Белгилер:
колдоо, Билим берүү жана илим министрлиги, Каныбек Исаков, Садык Шер-Нияз

ЭҢ МААНИЛҮҮ