05:22 17 Тогуздун айы 2019
Түз эфир
  • USD69.8500
  • EUR77.0865
  • RUB1.0855
Тажикстандык чек ара кызматкерлери. Архив

Тажикстандын күч түзүмдөрү кармап кеткен баткендик кишиден кабар жок

© Sputnik / Амир Исаев
Коом
Кыскача шилтеме алуу
73510

Жаран Тажикстандын Улуттук коопсуздук кызматынын Худжант облустук башкармалыгы тарабынан кармалган.

ОШ, 17-июл. – Sputnik. Тажикстандын күч түзүмдөрү чек арадан кармап кеткен Баткен районунун Достук айылынын жашоочусу Газыбек Мейлибаев 13 күндөн бери үйүнө кайтарыла элек. Бул туурасында Баткен облустук милициясынын маалымат катчысы Дамира Юсупова билдирди.

Эскерте кетсек, Мейлибаев 4-июлда кыргыз-тажик чек арасынан Тажикстандын Улуттук коопсуздук кызматынын Худжант облустук башкармалыгы тарабынан кармалган. Бул боюнча Баткен облустук милициясы коңшу өлкөгө атайын кат жолдогон. Ага алиге чейин жооп келе элек.

9-июлда жергиликтүү эл бийликтен бул окуянын себептерин айтып берүүнү жана Майлибаевдин бошотулушун талап кылып, облустук администрациянын алдына нааразычылык акциясына чыгышкан.

Кармалып кеткен жарандын атасы Сулайман Мейлибаевдин айтымында, уулун тажикстандык соодагерлер "акчаңды алып кет" деп кыргыз-тажик чек арасындагы такталбаган жерге чакырган. Барганда аны укук коргоо кызматкерлери кармап кеткен. Буга чейин ал соода-сатык менен алектенип, тажикстандык соодагерлер менен мамилеси болгон.

Тема боюнча

"Беш күндөн бери дайынсыз". Кыргыз-тажик чек арасындагы айылдыктар нааразылыкка чыкты
Белгилер:
Тажикстан, милиция, кармоо, чек ара, Баткен облусу

ЭҢ МААНИЛҮҮ