150 миң доллар пара алды делген Илмияновдун иши боюнча тергөө аяктады

© Фото / секретариат СДПКЭкс-президент Алмазбек Атамбаевдин мурунку кеңешчиси Икрамжан Илмиянов. Архив
Экс-президент Алмазбек Атамбаевдин мурунку кеңешчиси Икрамжан Илмиянов. Архив - Sputnik Кыргызстан
Жазылуу
Ушу тапта Илмиянов жана анын жактоочусу козголгон кылмыш иштин материалдары менен таанышып жатышат.

БИШКЕК, 17-июн. — Sputnik. Экс-президент Алмазбек Атамбаевдин мурунку кеңешчиси Икрамжан Илмияновдун үстүнөн козголгон кылмыш ишин тергөө аяктады. Бул тууралуу УКМК билдирди.

Жогорку Кеңеш. Архив - Sputnik Кыргызстан
Атамбаевди "экс" макамынан ажыратуу боюнча комиссияга 10 депутат кирди. Тизме
Эскерте кетсек, Илмиянов өткөн жылдын октябрында чет элдик компаниянын ишин токтотуп берүү үчүн 150 миң доллар пара алган деп шектелип, Москвадан кармалган. Ошондон бери УКМКнын тергөө абагында болчу.

Маалыматта 10-июнда соңуна чыккан тергөөнүн жыйынтыгында Илмиянов Кылмыш жаза кодексинин 204-беренесинин 3-бөлүгү ("Өзгөчө ири өлчөмдө жасалган алдамчылык") боюнча кылмышка барганы аныкталганы айтылат.

Иш эми сотко өтөт. Ушу тапта Илмиянов жана анын жактоочусу козголгон кылмыш иштин материалдары менен таанышып жатышат.

Жаңылыктар түрмөгү
0