Премьер-министр Кашкар Жунушалиевге Бурулайдын атасы менен жолугууну тапшырды

Жазылуу
Өкмөт башчы 19 жаштагы Бурулай Турдалиеванын өлүмү боюнча кылмыш иши аягына чейин чыгарылаарын айткан.

БИШКЕК, 16-июл. —Sputnik. Премьер-министр Мухаммедкалый Абылгазиев ички иштер министри Кашкар Жунушалиевге Бурулай Турдалиеванын атасы Турдали Кожоналиев менен жолугушуп, анын жүйөөлөрүн угуп, соттук-медициналык экспертизанын тыянагын тыкыр караштырууну тапшырды. Бул тууралуу өкмөттүн маалымат кызматы кабарлады.

Билдирүүгө ылайык, өкмөт башчы 19 жаштагы Бурулай Турдалиеванын өлүмү боюнча кылмыш иши аягына чейин чыгарылаарын айткан.

"Кыздын өлүмүнө шектүү 30 жаштагы киши менен бирге бардык күнөөлүүлөр мыйзамга ылайык жазаланат", — деп өкмөт башчы билдирген.

Турдали Кожоналиев, отец убитой в здании РОВД Жайыльского района девушки по имени Бурулай - Sputnik Кыргызстан
Бурулайдын атасы Кожоналиев: качанкыга чейин мансаптуулар бизди басмырлайт?!
Буга чейин Бурулайдын атасы Турдали Кожоналиев Sputnik Кыргызстан агенттигине келип кызынын денесине жазылган белгини соттук-медициналык экспертиза жокко чыгарганын айтып, кыргыз элинен адилеттик үчүн күрөшүүгө жардам берүүнү суранган

Эске салсак, 28-майдын түнүндө 30 жаштагы киши Чүй облусуна караштуу Жайыл районунун ички иштер бөлүмүндө ала качып алган кызын бычактап, кийин өзүнө да кол салган. Кыз алган жараатынан улам каза болуп, эркек киши ооруканага түшкөн.

20-июнь күнү шектүүнүн баш коргоо чарасы каралып, Бишкектеги №1 тергөө абагына киргизилген.

Жаңылыктар түрмөгү
0