01:06 24 Аяк оона 2018
Түз эфир
  • USD68.8080
  • EUR81.1487
  • RUB1.0386
Суд над политиком Садыром Жапаровым

Жогорку сот Садыр Жапаров боюнча чечим чыгарды

© Sputnik / Расул Усеналиев
Коом
Кыскача шилтеме алуу
Садыр Жапаровдун сот иши (30)
517220

Сот коллегиясы бүгүн Жапаровдун ишин карады.

БИШКЕК, 13-июн. — Sputnik. Жогорку соттун сот коллегиясы мурдагы депутат Садыр Жапаровго чыккан шаардык соттун өкүмүн күчүндө калтырды.

Сотто сөз сүйлөгөн Эмил Каптагаев биринчи көрсөтмөсү кандай болсо азыр да ошондой экенин айтты. Ал ошондой эле Садыр Жапаровго адвокат болоюн деген ою жок экенин белгилеп, Жапаров барымта маселеси боюнча акталышы керектигин кошумчалады.

Андан сырткары, кылмыштын жагдайлары толук ачылбаганын айтты.

Ал эми прокуратуранын өкүлү бардык жагдайлар аныкталып, такталганын айтып, Жапаровду актоого негиз жок экенин билдирди.

Жапаровдун адвокаты Шарабидин Токтосунов жаңы жагдайлар бар экенин, бул боюнча Башкы прокуратурага кайрыларын айтты.

"Садыр Жапаров акталат деп ойлогонбуз. Бизге сот учурунда чагымчылдык аракеттер болот деген маалымат түшкөндүктөн, тарапташтарыбызды келбегиле дегенбиз. Жаңы жагдайлар бар, ал боюнча сөзсүз Башкы прокуратурага кайрылабыз", — деди ал.

Эске салсак, Садыр Жапаров 2013-жылы октябрда болгон митинг учурунда Эмилбек Каптагаевди барымтага алууну уюштурууга тиешеси бар деп айыпталып, 2017-жылы 2-августта Бишкектин Биринчи Май райондук соту тарабынан 11,6 айга кесилген. Кийин райондук соттун чечимин Бишкек шаардык соту күчүндө калтырган.

УКМК 2017-жылы 25-мартта Садыр Жапаровду чет өлкөдөн Кыргызстанга киргенде камакка алган болчу.

Тема:
Садыр Жапаровдун сот иши (30)

Тема боюнча

Садыр Жапаров 2028-жылга чейин абактан эч чыга албайт
Садыр Жапаров атасына топурак салбай турган болду
ЖАМК: Садыр Жапаров атасына топурак салууга бара албай калышы мүмкүн
Белгилер:
өкүм, Жогорку сот, Садыр Жапаров
Колдонуу эрежелериПикирлер

ЭҢ МААНИЛҮҮ