9-майда "Өлбөс полктун" жүрүшү кайсы жолдор менен өтөрү белгилүү болду

© Sputnik / Табылды КадырбековАкция "Бессмертный полк" в Бишкеке
Акция Бессмертный полк в Бишкеке - Sputnik Кыргызстан
Жазылуу
"Өлбөс полк" акциясы Бишкекте бешинчи ирет өтүп жатат

БИШКЕК, 25-апр. — Sputnik.  Борбор калаада"Өлбөс полк" жүрүш кайсы көчө жана кайсы жолдор менен өтөрү такталганын Бишкек шаардык кеңешинин маалымат кызматынан  кабарлашты.

Акция салтка айлангандай эле 9-майда өтөт. Катышуучулар Дайыр Асанов атындагы парктан чыгып Масалиев, андан соң  Байтик баатыр көчөсү менен жүрүп отуруп, "Жеңиш" аянтына келишет. Жалпысынан 6,6 чакырым жолду басып өтүп, коопсуздук үчүн бир катар көчөлөр жабылат. Коомдук тартипке милициянын 1000 кызматкери, элдик кошуунчулар тобу жана ыктыярчылар көз салып турат.

Өлбөс полк жөө жүрүшүнүн катышуучусу. - Sputnik Кыргызстан
Баатырлардын урпактары — "Өлбөс полк" жөө жүрүшүндөгү кадрлар
Жүрүштү Дайыр Асанов атындагы улуттук аскер лицейинин аскердик оркестри, курсанттары жана согуштун ардагерлери түшкөн автоунааларынын колоннасы баштайт.

Жүрүш өтө турчу жолдун жээктерине биоажатканалар жана суусундук сатуу жайлары уюштурулат. Тез жардам унаасы коштоп жүрөт. Иш-чарага аскер формасында келген ыр-бий топтору да катышат.

"Өлбөс полк" акциясы Бишкекте бешинчи ирет өтүп жатат. Өткөн жылы 30 миң адам жүрүшкө чыккан.

"Өлбөс полк" акциясы биринчи жолу 2012-жылы Томск шаарында өткөн. 2013-жылы Россияда, Казакстандын жана Украинада белгиленген Жеңиш майрамында согуштун катышуучуларынын сүрөттөрүн 200 миңге жакын киши көтөрүп, параддан өткөн. Андан кийин бул акцияга Израиль, Кыргызстан жана Белоруссия да катышкан.

Жаңылыктар түрмөгү
0