10:30 26 Бугу 2018
Түз эфир
Полномочный представитель Правительства в Баткенской области Абиш Халмурзаев

Баткен облусунун башчысы Халмурзаев үйгө эмнеге бут кийимчен киргенин айтты

© Пресс-служба правительства / Сабыр Аильчиев
Коом
Кыскача шилтеме алуу
630311

Интернет колдонуучулар аткаминерлердин Кадамжайдагы аз камсыз болгон үй-бүлөнүн үйүнө бутун чечпей киргенин сынга алышкан

БИШКЕК, 14-фев. — Sputnik. Өкмөттүн Баткен облусундагы өкүлү Абиш Халмурзаев социалдык тармакта талкууга түшкөн сүрөт боюнча өз пикирин Sputnik Кыргызстан агенттигине билдирди.

Белгилей кетсек, интернет колдонуучулар аткаминерлердин бутун чечпей аз камсыз болгон үй-бүлөнүн үйүнө киргенин сынга алышкан. Сүрөттө өкмөт башчы Сапар Исаков, облус башчысы Абиш Халмурзаев, Кадамжай районунун акими Жаныбек Исаков тартылган. Халмурзаев менен район башчысы Исаков бутун чечпей үйгө кирип келгенин көрүүгө болот. Ал эми Сапар Исаковдун бут кийимин чечип-чечпегени сүрөттө көрүнбөйт.

Халмурзаев сүрөттө аталган үйдүн кире бериши экенин белгиледи.

"Биз өзүбүз жардам берип жатып, кантип бутубузду чечпей кирип бармак элек. Сүрөттө үйдүн кире бериши тартылган. Жерге атайын дорожка салынган болчу. Биз төшөктө эмес, ошол дорожканын четинде турабыз", — деди ал.

Эске салсак, премьер-министр Сапар Исаков Баткен облусуна 13-февралда болгон жумушчу сапарынын алкагында Кадамжай районундагы Алга айылында төрт баланы жалгыз тарбиялап жаткан Тазагүл Мамытованын үй-бүлөсүнөн кабар алган.

Өкмөттүн маалымат кызматы тараткан билдирүүдө учурда Мамытова жашы жете элек төрт баланы тарбиялап жатканы айтылат. Алардын эң кичүүсү 4 жашта. Күйөөсү 2014-жылы каза болгон. 2016-жылы жергиликтүү бийлик үй-бүлөгө эки бөлмөлүү үй куруп берген.

Тема боюнча

Бутун чечпей үйгө кирип барган аткаминерлер соцтармакта сынга кабылды
Сапар Исаков өлкөдө жашоо оңолуп жатканын айтты
Белгилер:
Абиш Халмурзаев, Баткен
Колдонуу эрежелериПикирлер

ЭҢ МААНИЛҮҮ