Катуу суук болгон беш күндүк жылуулук үчүн акча алынбай турган болду

Жазылуу
Январь айына карата жылуулук менен ысык суу үчүн төлөм 26 күнгө эсептелет

БИШКЕК, 6-фев. — Sputnik. Бишкектиктер январь айындагы беш күндүк жылуулук үчүн акча төлөшпөйт. Бул тууралуу Sputnik Кыргызстан агенттигине "Бишкекжылуулуктармагы" ААКсынын директору Эркин Абдыкалыков билдирди.

Буга чейин борбордук жылуулукка туташкан бардык жарандардын төлөмдөрү кайра эсептеле турганы айтылган болчу.

"27-31-январь аралыгы үчүн төлөмдөр кайра эсептелинет. Ал эми февралда кандай эсептелинери азырынча белгисиз", — деди Абдыкалыков.

Бишкек ТЭЦи. Архив - Sputnik Кыргызстан
Бишкек ТЭЦине мурдагы директору кайрадан жетекчи болуп дайындалды
Эскерте кетсек, 26-январь күнү кечинде ТЭЦте авария болуп, кубаттуулугу эки эсе төмөндөп кеткен. Бир күндөн кийин өкмөт көйгөй чечилгенин айтканы менен жылуулук берүү калыбына келген эмес. 29-январь күнү дагы бир түтүктөн жарака кеткени белгилүү болгон.

30-январь күнү таңкы саат 4:40да Бишкек ТЭЦиндеги №3 блок ишке киргенин "Улуттук энергетикалык холдинг компаниясы" ААКтын маалымат кызматы кабарлаган. Ага ылайык жаңы блок 150 МВт энергияны иштеп чыгып, +88 градуска чейин жылуулук берери айтылган. 30-январдан тарта көп кабаттуу үйлөрдөгү батареялар жылып баштаганын тургундар социалдык тармактарга жазышкан.

Жаңылыктар түрмөгү
0