Жаңы жылга чейин Оштогу бардык көп кабаттуу үйлөрдүн короосу жарыктандырылат

© Фото / пресс-служба города ОшОсвещение придомовых территорий многоэтажек в Оше
Освещение придомовых территорий многоэтажек в Оше - Sputnik Кыргызстан
Жазылуу
Шаарга чырактарды орнотууга жергиликтүү бюджеттин эсебинен 30 миллион сом бөлүнгөн

БИШКЕК, 13-дек. — Sputnik. Ош калаасындагы көп кабаттуу үйлөрдүн короолорун жарыктандыруу иштери 90 пайызга аткарылып бүттү. Бул туурасында шаардык мэриядан билдиришти.

Маалыматка ылайык, калаа мэри Айтмамат Кадырбаев "Манас-Ата" аймактык кеңешинин тургундары менен жолушуу учурунда айдын аягына чейин шаардагы бардык көп кабаттуу үйлөрдүн алдына чырактар орнотулуп бүтөрүн белгилеген.

"Ош шаарын өнүктүрүү программасын кабыл алып жатканда негизги багыттардын бири катары көчөлөрдү жана үйлөрдүн алдын толугу менен түнкү жарык менен камсыз кылууну киргизгенбиз. Акыркы үч жылда 174 чакырым жолго түнкү жарыктар орнотулду. Учурда жергиликтүү бюджеттин эсебинен 30 миллион сом бөлүнүп, шаарда жайгашкан 640 көп кабаттуу үйлдүн алдына чырактар орнотулууда", — деди Кадырбаев.

Бишкекте жаңы чырактар орнотулганын шаар мэриясынын маалымат кызматынан билдиришти - Sputnik Кыргызстан
Бишкекте заманбап чырактар орнотулду
Ошондой эле вице-премьер Даир Кенекеев да шаарды жарыктандыруу иш-аракеттери менен таанышкан. Бул иштер "Коопсуз шаар" долбоорунун алкаганда жасалып, ал тургундарга ыңгайлуу шарттарды түзүү, коомдук тартипти сактоо жана кылмыштуулуктун алдын алууга өбөлгө болору айтылат.

Жаңылыктар түрмөгү
0