БИШКЕК, 16-окт. — Sputnik. Бишкектеги банкеттик залдардын биринде 15-октябрь күнү "Кыргызстан сулуусу — 2017" сынагы өтүп, өлкөнүн дагы бир сулуу кызы тандалып алынды.
Иш-чараны Рысгүл Намазбекова уюштурган, ал Sputnik Кыргызстан агенттигине сынак тууралуу айтып берди.
Негизги титул жана баасы 2000 долларлык таажы үчүн 29 бийкеч ат салышкан. Уюштуруучунун айтымында, алардын арасында алыскы региондордон келгендер дагы болду.
Биринчи вице-мисс болуп Алия Канжарбекова тандалып, Түркияда эс алууга жолдомого ээ болду. Экинчи вице-мисс Асел Казакбаева болсо, үчүнчү вице-мисс деп Асел Умарканова аталды.
Бул конкурс апрель айында өткөн "Кыргызстан сулуусу — 2017" сынагынын аналогу болуп эсептелет. Эки сынак тең бирдей аталышта болгону менен уюштуруучулары ар башка. Бул сынак Рыскүл Намазбекованын жетектөөсүндө 2014-жылдан бери өткөрүлүп келет. 2016-жылы сынакты бишкектик Милан Жаныбекова жеңип кеткен.
