Сынак салтка айлангандай эле Филиппинде өтүп, 14-октябрдан 4-ноябрга дейре уланат
БИШКЕК, 8-cен. — Sputnik. 20 жаштагы Бегимай Назарова БУУнун колдоосу менен өтүп жаткан "Жер сулуусу — 2017" эл аралык сулуулар сынагында өлкө намысын коргойт. Бул тууралуу сынактын сайтына жарыяланды.
Конкурс салтка айлангандай эле Филиппинде өтүп, 14-октябрдан 4-ноябрга дейре уланат.
Өткөн жылы аталган маданий иш-чарага Кыргызстандын атынан Бегим Алмасбекова катышып, улуттук кийимдер сынагында үчүнчү орунду ээлеген.
Sputnik Кыргызстан агенттигинин кабарчысына Назарова маалыматты тастыктап, буга чейин да эл аралык сынактарга катышып жүргөнүн айтты.
"Өткөн жылы "Дүйнө ханбийкеси — 2016" сынагына катышып, "Достук сулуусу" наамын утуп алгам. Ошонун арты менен Дүйнөлүк сулуулар жана мода конгрессинин модели болууга жетишкем. Бул жылы уюштуруучулар "Жер сулуусу — 2017" конкурсуна чакырышты", — деди Назарова.
Өткөн жылы аталган маданий иш-чарага Кыргызстандын атынан Бегим Алмасбекова катышып, улуттук кийимдер сынагында үчүнчү орунду ээлеген.
Бегимай Назарова Кыргыз мамлекеттик юридикалык академиясын аяктаган
"Жер сулуусу" (Miss Earth) — дүйнөдөгү абройлуу сынактардын бири. Анын максаты гуманитардык көйгөйлөргө жана табиятты коргоого коомчулуктун көңүлүн буруу болуп саналат. Сынактын жеңүүчүсү автоматтык түрдө БУУнун Курчап турган чөйрөнү коргоо программасынын элчиси болуп калат.
Бегимай бий менен машыгып, ыктыярчылык менен алектенет.
