БИШКЕК, 20-июн. — Sputnik. Бишкек мэриясы Билим берүү жана илим министрлиги менен биргеликте мектептерде ата-энелерден ыктыярдуу төлөм алууга тыюу салуу боюнча документ иштеп чыкты. Бул тууралуу шаардык муниципалитет билдирди.
Бүгүн вице-мэр Айгүл Рыскулова менен министр Гүлмира Кудайбердиеванын жолугушуусунда аталган буйрукту аткарбаган мектеп директорлору жоопко тартылып, ээлеген кызматынан бошотулары айтылган.
Жаңы түзүлгөн документке ылайык, мэриянын билим берүү башкармалыгына башталгыч класстарга окуучуларды кабыл алууну көзөмөлдөө иштери тапшырылган.
Мурдараак Билим берүү министрлиги мындай чечим өлкөнүн бардык аймактарына киргизилерин айткан.
