БИШКЕК, 4-апр. — Sputnik. Бишкек шаарында 10 жаштагы кыз дайынсыз жоголуп, Свердлов РИИБи калаа тургундарынан аны издөөгө жардам берүүнү суранууда.
Пропавшая Аселя Торобекова 2006 года рождения
© Фото / Свердловское РУВД
Асел Төрөбекова 2006-жылы Бишкек шаарында төрөлүп, Кантемир көчөсүндө жашачу. Кечээ, 3-апрелде, түшкү саат 12:15терде үйдөн чыгып, мектеп жакты көздөй кеткен боюнча дайынсыз.
"Кыздын бою 130-140 сантиметр. Арыкчырай, чачы кара, узун, ийнинен бир аз түшүп турат. Үйдөн кызыл күрмө, мектеп формасын, кара туфли, кара топу кийип чыккан", — деп жазылат маалыматта.
Кызды кимдир-бирөөлөр көрүп калса, Свердлов РИИБдин төмөнкү номерлерине чалып байланышсаңыздар болот:
(0550) 102-872, (0772)18-09-45.
