Авиакырсыктан каза болгондорду табалаган Дооталиеваны УКМК суракка алды

© Sputnik / Владимир Песня / Медиабанкка өтүүРабота московских школ
Работа московских школ - Sputnik Кыргызстан
Жазылуу
Кырсыктаган жарандарды келекеге алган медакадемияда иштеген 33 жаштагы Таттыгүл Дооталиева экени белгилүү болгон.

БИШКЕК, 18-янв. — Sputnik. Мамлекеттик медициналык академиянын кызматкери социалдык тармактагы баракчасы аркылуу Дача айылынын үстүнө кулаган учактан каза тапкандарды табалагандыгы үчүн УКМКга жеткирилди. Бул тууралуу Улуттук коопсуздук комитетинин маалымат кызматынан кабарлашты. 

Эске салсак, кырсыктан курман болгондорду келекелеген Таттыгүл Дооталиева Медициналык академиянын ректорунун буйругу менен иштен алынган.

"Кечээ 17-январда 33 жаштагы Дооталиева УКМКга жеткирилди. Текшерүү учурунда анын Facebook баракчасына жарыяланган постунда региондор жана улуттар аралык араздашууга алып келчү элементтер байкалганы аныкталды", — деп айтылат маалыматта. 

Кулаган учактын жерге сүрүлгөн изи — асмандан көрүнүш - Sputnik Кыргызстан
Кулаган учактын жерге сүрүлгөн изи — асмандан көрүнүшү
Учурда УКМК тарабынан Дооталиевага расмий эскертүү берилип, тиешелүү экспертизалар дайындалды. Аталган факты боюнча текшерүү иштери улантылат. 

Эске салсак, 16-январда эртең мененки саат 7:18де Дача айылында жүк ташыган Boeing 747 лайнери кулап, 37 киши каза тапты. Аба кемеси Гонконгдон Стамбулга багыт алып, Кыргызстанга май куюу үчүн токтомок. Учурда крысыктын себеби илектенип жатат. 

Кыйраган учактан Кыргызстан кандай сабак алышы керектиги тууралуу Sputnik Кыргызстан агенттигинин материалынан окуңуздар>>

Жаңылыктар түрмөгү
0