23:46 17 Теке 2019
Түз эфир
  • USD69.6312
  • EUR78.0775
  • RUB1.1062
Ош шаарынан мэри Айтмамат Кадырбаев. Архив

Кол чатыр чырына эми Оштун мэри Кадырбаев кабылды

© Sputnik / Табылды Кадырбеков
Коом
Кыскача шилтеме алуу
1775 0 0

Ош шаарынын башчысы өзүнө тиешелүү ишти эч кимге жасаттырбастыгын, алты саны аман экендигин жана бай-манап эместигин айтты.

БИШКЕК, 13-июн. — Sputnik. Кол чатырларды жардамчыларга карматкан дагы бир атминердин сүрөтү социалдык тармакта пайда болду. Бул сапар кол чатыр чатагы Оштун мэри Айтмамат Кадырбаевге жетиптир. Буга социалдык тармактын колдонуучулары ар кыл пикирлерин билдиришүүдө.

Бир нече убакыт мурда жаандан жардамчысынын жардамы менен калкаланып турган эки атка минердин сүрөттөрү жарыяланган. Интернет колдонуучулар алардын бирин Бишкек шаарынын прокурору Нурлан Сулайманкулов дешсе, экинчиси Ош облусунун губернатору Таалайбек Сарыбашев экени билинген. 

Бул сапаркы сүрөт кыязы, Ош шаарында өткөн эл аралык "Этно маданият" фестивалында тартылган.

"Кол чатыр баяны" ага жеткендиги боюнча Ош шаарынын мэри Айтмамат Кадырбаев Sputnik Кыргызстан агенттигинин кабарчысына маалыматы жоктугун айтты.

"Ал сүрөттү көргөн жокмун. Ооба, ошол күнү (Этнофестиваль жыйынтыкталган күн – ред.) жамгыр жааган. Билбейм, ким көтөргөнүн, мен аны көтөр деп мажбурлаган жокмун. Эгерде көтөрүп турса эмнеси бар экен? Эмне жамандык көрүп жатасыздар мындан? Социалдык тармактарда жаза беришсин, бул алардын өзүнүн иши да", — деди мэр Кадырбаев.

Ош шаарынын башчысы өзүнө тиешелүү ишти эч кимге жасаттырбастыгын билдирип, бай-манап эмесмин деген пикирин кошумчалады.

"Кызматчылар мага кол чатыр кармап берсин деген ниетим, оюм жок, көттөртүрбөйм дагы. Мен өзүмө тиешелүү ишти эч кимге жасаттырбайм, эки колум, эки бутум аман-эсен. Мага кол чатыр кармап бер дегендей бай-манап эмесмин", — деди Ош калаасынын мэри.

Ал эми бул сүрөт социалдык тармакка чыккандан кийин аны бир катар интернет колдонуучулар какшыктап, терс пикирин билдиришти.

"Атаны кызталактар, отуруштары деле жарашып калыптыр. Туура түшүнүңүздөр, буларга зонтик кармоого статусу туура келбейт го, тектүү бийлердин тукумдары", — деп жазды Рамазан Тасма деген аккаунттун ээси.

Ал эми бир катарлары бул жерден эч кандай кынтык издештин кереги жоктугун, мунун жакшы жактарын ойлоо керектигин айтышты.

"Элге баары бир, эч нерсе жакпайт! Эмнеге жакшы жагын ойлобойсуңар… же силердин сөзүңөрдөн бир нерсе, өзгөрдүбү?",— деп жазды Максат Исакова аттуу интернет колдонуучу.

Буга чейинки кол чатыр чырында өкмөттүн Ош облусундагы ыйгарым укуктуу өкүлү Таалайбек Сарыбашев жардамчысы аны жаандан калкалап турганын байкабай калганын билдирген.

Тема боюнча

Соцтармакта кол чатыр көтөртүп алган дагы бир аткаминердин сүрөтү талкуу жаратты
Кызматчысына кол чатырын көтөртүп, жаандан калкаланган атка минер
Белгилер:
кол чатыр, Айтмамат Кадырбаев, Ош

ЭҢ МААНИЛҮҮ