БИШКЕК, 10-июн. — Sputnik. Facebook социалдык тармагында башкаларга кол чатып карматкан аткаминерлерди мыскылдаган #umbrellachallenge хэштеги менен жаңы флешмоб жайылууда.
Колдонуучулар өзү отуруп, жанындагы киши кол чатыр кармап берип жаткан жарандын сүрөтүн кызуу талкууга алууда.
Өкмөттүн Ош облусундагы өкүлү Таалайбек Сарыбашев кол чатыр кармап турган жардамчысын байкабаганын айтат.
Флешмобду колдогондор бирөөгө кол чатыр карматып түшкөн сүрөтүн соцтармактарга жайгаштырууда.
Бул нерсени чыгармачыл чөйрө да колдоп, төкмө акын Жеңишбек Жумакадыр кесиптеши Баян Акматовдун сүрөтүн чыгарды.
Буга чейин Бишкек шаарынын прокурору Нурлан Сулаймановго кол чатыр көтөрүп берип турган сүрөт интернетке чыгып, ал боюнча түрдүү пикирлер айтылган эле.
