Жети жашар Даниелди өлтүрдү деп шектелген аял 25 жылга кесилди

© Sputnik / Владимир Федоренко / Медиабанкка өтүүМолоток судьи. Архивное фото
Молоток судьи. Архивное фото - Sputnik Кыргызстан
Жазылуу
Биринчи класстын окуучусу былтыр декабрь айында жоголуп кеткен. Кийин анын сөөгү Сокулук районунан табылган. Бул ишке шектүү делип Майрам аттуу аял кармалган.

БИШКЕК, 1-апр. — Sputnik. Биринчи класстын окуучусу Даниелди өлтүргөн деп шектелип жаткан 39 жаштагы Майрам Акунованы Биринчи Май райондук соту 25 жылга күчөтүлгөн режимге кести. Ишти сот Айбек Эрнис уулу караган.

Бишкекте баланы талап кеткен иттин ээси: менин итим жоош
Бүгүн сот иши каралып жатканда, айыпталуучуга акыркы сөз берилгенден кийин ал күнөөсү жок экенин айтып, оттуктун курчутулган темири менен курсагын бир нече жолу тилип жиберген. Айыпталуучуну карап турган укук коргоо органдарынын өкүлдөрү аны сот залынан алып чыгып кетишкен.

Белгилей кетсек, 2015-жылы 10-декабрда жети жашар Даниел аттуу бала жоголгон. Аны Майрам аттуу аял акча талап кылып уурдап кеткени айтылган. Ал баланын энесине SMS-билдирүү жөнөтүп, каражат талап кылган. Даниелдин апасы милиция кызматкерлерине кайрылган. Тилекке каршы, бала каза болуп калган. Колго түшкөн 39 жаштагы Майрам аттуу аял баланы өлтүргөнүн мойнуна алып, сөөгүн катып койгон жерди көрсөтүп берген.

Жаңылыктар түрмөгү
0