Билими жогорку. 1998-жылы АКШдагы Мэриленд университетинин менеджмент жана бизнес факультетин бүтүргөн.
Иш тажрыйбасы:
- 1999-жыл — "Казкоммерцбанк" компаниясынын Бишкектеги өкүлчүлүгүнүн жетекчиси. Ошондой эле Алматыдагы "Казкоммерцбанк" акционердик коомунда да иштеген.
- 2001-жыл — Кыргызстандын каржы министринин кеңешчиси;
- 2004-2005-жылга чейин — Кыргызстандын улуттук олимпиада комитетинин жана КР Бокс федерациясынын президенти;
- 2005-жылы январда парламенттик шайлоого катышып, Жогорку Кеңештин депутаты болгон. Бирок 2005-жылдын март айында өлкөдө бийлик алмашып, экс-президенттин уулу катышкан шайлоонун жыйынтыгы жокко чыгарылган;
- 2020-жылдын 5-февралында Москва шаарында каза болгон.
Айдар Акаев "Рентон-групп" компаниясынын ири акция пакетинин ээси болчу.
Үй-бүлөсү:
1998-жылы Казакстандын мурдагы президенти Нурсултан Назарбаевдин кичүү кызы, 18 жаштагы Алия Назарбаевага үйлөнгөн.
2002-жылы НБТ телеканалынын 21 жаштагы алып баруучусу Сайкал Чокубаева менен баш кошкон. Жубайлардын ортосунда бир уул, бир кызы бар.
