Мектепти бүтөр жылы өлкөдөгү эң мыкты деп эсептелинген "Анри IV" лицейине которулган.
Андан соң Париждеги Нантер-ля-Дефанс университетинде философия магистри илимий даражасын алган. Саясий изилдөө институтун бүтүргөн. Ал эми 2002–2004-жылдары Улуттук администрация мектебинин (ENA) студенти болгон.
- 2004–2008 — каржы инспектору.
- 2008–2011 — инвестициялык банкир.
- 2011–2012 — Ротшильд банкынын башкаруучу өнөктөшү.
- 2012–2014 — Елисей сарайынын башкы катчысынын орун басары.
- 2014–2016 — Франциянын экономика министри.
2016-жылдын 6-апрелинде "Алга" (En Marche) кыймылын түзгөн. Ал эми 16-ноябрда Макрон Франциянын президенттигине өз талапкерлигин коерун жарыялаган.
Ошол эле айда "Революция" деген аталыштагы китеп-программасын сунуштаган.
2017-жылдын 23-апрелинде болгон шайлоонун биринчи турунда элдин 24,01 пайызынын добушун ала алган.
Эммануэль Макрон өзүнүн мурдагы француз тили мугалими Бриджит Троньеге баш кошкон.
