Рязань шаарындагы радиотехникалык институтун "физикалык электроника" кесипчилигин алуу менен 1978-жылы аяктаган. Жогорку билимдүү. Институтту 1978-жылы август айында Фрунзе политехникалык институтуна орношуп, аспирантурага өткөн.
Эмгек жолу.
- 1982-жылга чейин ушул Фрунзе политехникалык институтунун аспиранты болгон. Алгачкы эмгек жолу кенже, улук илимий кызматкер болуп иштөөдөн баштаган.
- 1983-1984-жыл — жогоруда аты аталган институттун инженери.
- 1986-жыл — март айына чейин комсомол уюмунун секратары.
- 1986-жыл — апрелден тарта Фрунзедеги политехникалык институттун ага илимий кызматкери болгон. Кийин Улуттук Илимдер Академиясынын физика Институтуна ага илимий кызматкерлик ишке өткөн. Ушул эле жылы кандидаттык диссертациясын Минск шаарында жактаган.
- 1992-жыл — докторлук диссертациясын Санкт-Петербург шаарында коргогон.
- 1991-жыл — Илимдер Академиясынын "Жамын" илимий инженердик борборунун директору, андан көп узабай эле илим жана жаңы технологиялар Мамлекеттик комитетинин төрагасы. 1992-жыл — техникалык илимдеринин доктору, профессор.
- 1993-жыл — Улуттук Илимдер Академиясынын академиги, эл аралык информация академиясынын мүчөсү.
- 1995-жыл — март айы Мамлекеттик секретардын орун басары.
- 1996-1998-жыл — Кыргызстандын премьер-министри.
- 1998-2001-жыл — Жалал-Абад облусунун Мамлекеттик администрациясынын башчысы-губернатору.
- 2001-жыл — Коммуникация министри.
- 2002-жыл — өкмөттө вице-премьер министр.
- 2015-жылы — "Бир Бол" саясий партиясынын тизмеси боюнча VI чакырылыштагы Жогорку Кеңештин депутаты болуп шайланды.
100дөн ашуун илимий эмгектин анын ичинде үч монографиянын автору.
